ALI CAWANAPAJ
Jatun asambleanchicuna cuyanacunapämi yanapamanchi
¿Imanirtaj jatun asambleanchicunaman cushishga aywanchi? Unay israelitacunanomi, Jehovata alabanchi chaychica hermanunchicunawan. Chaychomi, Jehovawan más amigo canapaj yachacunchi, y familianchiwan y amigunchicunawan goyarcunchi. Chaymi imanöpapis calpachacunchi quimsa junajcunata aywanapaj.
Gotucaptinchiga, quiquilanchilamanga mana yarparacushwanchu, sinoga waquincunamanpis (Gál 6:10; Heb 10:24, 25). Chaymi jamacunanchilapaj asientucunalatami utilizananchi y imalachopis waquincunata yanaparcunchi (Flp 2:3, 4). Amigucunata ruranapäpis reguinacärinchi asamblea manaraj galaycuptin o usharcuptin, micushganchi hora parlapäcuptinchipis (2Co 6:13). Reguinacushganchiwan imaypis amigo cashwanmi. Y waquincuna cuyanacushganchita ricar, Jehovata sirviyta munaycunmanmi (Jn 13:35).
CAY VIDEUTA RICÄCHIY: ACHCA NACIUNCUNAPITA SHAMOJCUNAWAN JATUN ASAMBLEA: ‘CUYANACUYMI IMAYPIS MANA USHACANGACHU’. NIRCUR TAPUPÄRIY:
¿Imanotaj hermanucuna 2019 jatun asambleacho waquin naciuncunapita shamojcunata chasquipäcurgan?
¿Imanirtaj waquincuna parlapäcun Jehovata sirvejcuna juc shongula caycashganpita y cuyanacushganpita?
¿Imatataj Jehovapa testiguncunata pushajcuna cuyanacuypita nipäcurgan?
¿Imanotaj jatun asambleacunacho hermanucunata cuyanquiman?
¿Imanotaj Alemania y Corea del Sur naciuncunacho hermanucuna cuyanacärishga?
¿Imata ruranapätaj decidido caycashwan?