ALI YACHACHICOJ CASHUN | ¿IMATATAJ RURANQUIMAN PREDICAYTA MÁS GUSTASHUNAYQUIPAJ?
Hermanucunapa yanapacuyninta chasquicuy
Jehovaga hermanunchicunawanmi yanapamanchi (1Pe 5:9). Paycunami predicaciuncho yanapamanchi ima sasa captinpis. Bibliaga wilacun hermanucuna Pabluta yanapashganta, paycunami Áquila, Priscila, Silas y Timoteo capäcurgan (Hch 18:1-5).
¿Imanotaj hermanucuna yanapashunquiman? Pipis predicaciuncho nishuptiqui “ocupado caycä” o imatapis, hermanucuna yachachishunqui imano contestanayquipaj, Bibliapita yachacuyta munajcunata y Bibliapita yachacuycajcunata yachachinayquipäpis. Congregaciuncho maygan hermanunchitapis ashiy yanapashunayquipaj, chayta ruraptiquega, ishcayquimi shumaj yanapanacärinqui (Flp 1:25).
CAY VIDEUTA RICÄRIY: CUSHICUYPÄMI BAUTIZACUNANPAJ YANAPAPTINCHI: JEHOVAPA YANAPACUYNINTA CHASQUISHUN: HERMANUNCHICUNAPITA. NIRCUR CAY TAPUCUYCUNAPITA PARLACAMUY:
¿Imatataj Rita rurashga Coral reuniunman aywar galaycunanpaj?
¿Imanirtaj hermanunchicunata Bibliata yachacuycajcunaman yanagamänanchipaj nirishwan?
Bibliata yachacuycajta Jesuspa discipulun cananpaj lapanchi yanapacushwanmi.
¿Imacunachotaj tantianacoj Coral mayor hermanawan?
¿Imatataj waquin hermanacunapita predicaciuncho yachacunquiman?