ALI YACHACHICOJ CASHUN | ¿IMATATAJ RURANQUIMAN PREDICAYTA MÁS GUSTASHUNAYQUIPAJ?
Yachacuycajcunata quiquilan Bibliapita yachacunanpaj yachachiy
Bibliapita yachacuycajcuna Jehovata más reguinanpaj y pogushga cristiano cananpaj yachacushgancunalawan mana contentacunmanchu (Mt 5:3; Heb 5:12-6:2). Quiquilancuna Diospa palabranpita yachacunman.
Galananlapita, Bibliapita yachacojcunata shumaj preparacunanpaj yachachiy y chaynola rurananpäpis niriy (mwb18.03-S 6). Quiquilan Bibliapita yachacunanpaj puntata Jehovata mañacunanpaj yachachiy. Paginanchita jw.org y JW library aplicativo imano shumaj utilizananpaj yachachiy, y chaylaraj yargamojcunatapis ricananpaj niriy. Ichic ichiclapa yachachiy Biblianta leinanpaj, reuniuncunapaj preparacunanpaj y tapucuynincunapa respuestantapis ashinanpaj. Yachacushgancunaman shumaj yarpachacunanpäpis yachachiy.
CAY VIDEUTA RICÄRIY: YACHACUYCAJCUNATA QUIQUILAN BIBLIAPITA YACHACUNANPAJ YANAPAY. NIRCUR CAY TAPUCUYCUNAPITA PARLACAMUY:
Preparacushgancho respuestacunalata mana ashinanpaj, ¿imataj Coralta Rita tantiachergan?
¿Imataj Coralta yanapargan jucwan jucwan cacuyga Jehovapa ricayninpa pasaypa mana ali cashganta?
Bibliapita yachacuycajcunata leishganman yarpachacunanpaj y practicaman churananpäpis yachachiy.
Yachacushganman ali yarpachacunanpaj, ¿imataj Coral tantiargan?