ALI YACHACHICOJ CASHUN | ¿IMATATAJ RURANQUIMAN PREDICAYTA MÁS GUSTASHUNAYQUIPAJ?
Estudianticunata reuniunman shapäcamunanpaj invitay
Reuniuncunacho shuntacuycur Jehová Diosta aduranchi (Sl 22:22). Lapan reuniuncunaman aywajcunaga cushi cushila carcaycan y bendiciuntapis chasquipäcun (Sl 65:4). Bibliapita yachacuycajcuna cada cadala reuniuncunaman aywaptin Jehovata más cuyanga.
¿Imanotaj Bibliapita yachacojcunata reuniuncunaman aywananpaj yanapanquiman? Cutin cutin reuniuncunaman shapäcamunanpaj niriy. ¿Imanötaj congregakäyä? videuta ricächiy, nircur cawaynincho imano yanapänanpäpis tantiachiy (lff 10 caj yachacuy). Reuniuncho ima yachacushgayquita wilarinquimanmi, gatejnin cajcho ima yachacunayquipäpis wilanquimanmi. Bibliapita yachacojcunata reuniuncho yachacunapaj publicaciunta goycuy o JW Library® aplicativo “Reuniones” nishganta ricächiy. Jina payta apaycur reuniunman aywanquiman. Yachacuycajcuna puntata reuniuncunaman aywaptin, cuentata gocunqui rasun cajta yachachinayquipaj calpachacushgayquiga yangala mana cashganta (1Co 14:24, 25).
CAY VIDEUTA RICÄRIY: ESTUDIANTICUNATA YANAPASHUN REUNIUNCUNAMAN AYWANANPAJ. NIRCUR CAY TAPUCUYCUNAPITA PARLACAMUY:
Parlacushgancho, ¿imanotaj Rita chayta aprovechargan Coralta reuniunman invitananpaj?
¿Imanirtaj cushicunchi Bibliapita yachacuycajcuna reuniunman shamuptin?
‘Tayta Dios qamkunawan kaykan’.
¿Imanotaj ricacushga Coral naupa reuniunman aywaptin?