ALI CAWANAPAJ
Munashgayquita dominay
Juchasapa car cada cadala munashganchicunata dominacushun. Munashgalanchita rurarga Jehovapita raquicäcushwan. Waquincunaga Diosta cuyananpaj trucan wasilanpa, ropalanpa y pachalanpa yarpachacärin. Waquincunana olguwan o warmiwan cacuyta munar Diospa leyninpa contrancho melanaypaj rurapäcun (Ro 1:26, 27). Juccuna ali ricananpaj waquincuna paycunano lutanta rurapäcun (Éx 23:2).
¿Imanotaj munashganchita dominacushwan? Chaypäga calpachacunanchi Dios munashgalanta ruranapaj (Mt 4:4). Jina Jehovata ruwacushwan munashganchita dominacunapaj. ¿Imanir? Payga musyanmi imacunata más ali caycan noganchipaj y ali munashgalanchitapis payga gomäshunmi (Sl 145:16).
CAY VIDEUTA RICÄRIY: CIGARRUTA MUCAPTIQUEGA RASLA RUCUYANQUI Y WANUNQUIPIS. NIRCUR CAY TAPUCUYCUNAPITA PARLACAMUY:
¿Imanirtaj waquin runacuna cigarruta mucan?
Cigarruta mucaptinchi, ¿imanotaj saludninchita dañacanman?
¿Imanirtaj mana ali caycan cigarruta y cigarro electronicotapis mucanapaj? (2Co 7:1).
¡Gam cigarro mucaytaga cachariyta puedinquimi!
Pilapis “cigarruta mucashun” nishuptiqui, ¿imanirtaj “mana” ninquiman y imanotaj cay viciuta jaguinquiman?