Setiembre quillacho pilatapis Bibliapita yachachicunapaj calpachacushun

Setiembre quillachoga lapanchi calpachacushun pï maytapis Bibliapita yachachicuyta galaycunapaj Cushishgala imaypis cawanapaj folletuwan. Alichi canman chay quillacho precursor auxiliarno yanapacunapaj, 30 horacunano predicar. ¿Imanotaj chayga canga?

• Parlapar galaycuptinchi. Folletupa ushanan caj paginanpita parlapacäriy y yachachiy imano Bibliapita yachacunanpaj cajta. Jina Bibliapita mayna parlashgayqui cajcunatapis nirinquiman yachacärinayquipaj, capaz unaycho pipis yachacuyta mana munarganchu, canan ichanga mushoj folletuwanga Bibliata estudiayta galaycunmanmi. Cay folletutaga ama jaguishunchu pipis wasincho mana caycaptenga, ni cartapapis apachicushwanchu wiyayta mana munajcunata. Ancianucunaga camacächenga chay quillacho tucuy horacunacho predicación cananpaj.

• Jucnopa yachachicuptinchi. Ancianucuna camacächiptin carritucunawan predicanapaj, Cushishgala imaypis cawanapaj folleto amänula caycanman runacuna ricänanpaj. Pipis chay folletuta apacuyta munaptenga, Bibliapita estudiuta chasquinanpaj debaldilla cashganta niriy. Jina walca minutucunalacho wilacuy imano Bibliapita yachacunanpaj o juc junajcho chayta ruranayquipaj parlapacäriy. Predicaciunta ricaj ancianuga capaz waquin publicadorcunata nenga negociucunacho predicar pilawanpis estudiuta galaycunanpaj. Y gampis aruyniquicho caycar o may chaycho caycarpis, chay folletuwan pilawanpis Bibliapita yachacuyta galaycunquiman.

Jesusga mandamashcanchi runacunata yachachicunapaj discipuluncunaman ticrananpaj (Mt 28:19, 20). Chaymi munayculanchimi Cushishgala imaypis cawanapaj folletuwan achcajmi Bibliapita yachacuyta galaycunanpaj.