¿Jehová contestashushgayquita ricanquichu?

Bibliacho wilamanchi achca sirvejnincunapa mañacamushgancunata Jehová contestashganta. Paycunaga cuentata gocärergan Jehová paycunapaj yarpachacushganta y yanapashgantapis, y chayga yäracuyninta masraj sinchiyächergan. Chaymi mañacuynincho ima necesitashganchita y ima yarpashganchitapis lapanta Jehovata wilapashwan. Jina altantumi caycashwan imano contestamashganchita. Y cuentaman churashwan öraga Jehová manami munashganchinochu contestamashwan (2Co 12:7-9; Ef 3:20). Ricärishun mañacushganchicunata Jehová tucuynopa contestashganta.

• Imayca problemacunapa pasar Jehovaga calpata gomanchi aguantanapaj, jaucala caycänapaj y ali amigun canapaj (Flp 4:13).

• Yachayta gomanchi ali cajta acranapaj (Snt 1:5).

• Calpayojyächimanchi pay munashganta ganas ganasla ruranapaj (Flp 2:13).

• Laquishga caycaptinchi shacyächimanchi (Flp 4:6, 7).

• Waquincunawan yanapämanchi ali goyänapaj y yarpachacuycarla mana cawanapaj (1Jn 3:17, 18).

• Waquincunapaj mañacushganchita Jehová paycunata yanapan (Hch 12:5, 11).

CAY VIDEUTA RICÄRIY: JEHOVAGA MAÑACUSHGANCHICUNATA WIYANMI. NIRCUR CAY TAPUCUYCUNAPITA PARLACAMUY:

• Shimizu hermanunchi pasashganga, ¿imanotaj gueshyaycajcunata yanapan?

• ¿Imataj yachacunchi Shimizu hermanunchi rurashganpita?