ALI CAWANAPAJ
Imataj rurashwan Diospa Palabranman masraj yäracunapaj
Diospa Palabranga poderyojmi; cawayninchita cambianapaj yanapämanchimi (Heb 4:12). Chaura Biblia Diospa Palabran cashganta yäracuptinchirämi consejuncuna, leynincuna y tantiachicuynincunapis yanapämäshunmi (1Te 2:13). ¿Imataj rurananchi Bibliaman masraj yäracunapaj?
Waran waran Bibliata ichiclatapis leinanchi. Maygan textulatapis leirirga, shumaj yarpachacushun ‘imata ricächiman cay texto Diospa Palabran cashganta’ nir. Proverbios libruta leir tantiarcushun imano consejuncuna unayno cananpis yanapämanchi yachaj o tantiaj canapaj (Pr 13:20; 14:30).
Imalapitapis maslata yachacunanchi. Shumaj tantiananchi Bibliaga Diospita shamushganta. Chaypäga Guía de estudio para los testigos de Jehová nishganta ashinanchi y “La Biblia” cajcho “Inspirada por Dios” nishganpita yachacushun. Jina Traducción del Nuevo Mundo Bibliacho apéndice A3 nishganpita yachacurpis yanapämäshun Biblia wilacushganman masraj yäracunapaj.
CAY VIDEUTA RICÄRIY: ¿IMANIRTAJ YÄRACUNCHI DIOSPA PALABRANMAN? NIRCUR CAY TAPUCUYCUNAPITA PARLACAMUY:
Karnak (Egipto) templucho taricashganga, ¿imanotaj yanapämanchi Biblia rasunpa cajta wilacushganta yäracunapaj?
¿Imanirtaj ninchi Biblia wilacushganga trucachishga mana cashganta?
Runacuna Bibliata ushacächiyta mana puedishganga, ¿imataj yachachimanchi? (Leiriy Isaías 40:8).