ALI CAWANAPAJ
Cananlapitana alistacuy imano hospitalcho atiendishunayquipaj
¿Imanirtaj alistacunanchi? Öraga ilajpita lapanchi gueshyar galaycushwan y öraga capaz hospitalmanraj apapamänanchipaj caycanman. Chaura chaycuna manaraj pasamaptinchi ali canman cananlapitana alistacunanchipaj imano hospitalcho atiendimänanchipaj. Chaynopa Jehová cawayta goycalämashganchita valuraycäshun y yawarpita ima nishgantapis cäsucuycäshun (Hch 15:28, 29).
¿Imanotaj alistacunanchi?
Shumaj yarpachacur y mañacuptiquina, ima decidishgayquita tarjeta de instrucciones médicas (DPA)a nishgancho escribiy. Bautizashgana publicadorcunaga cay tarjetata mañacunmanmi siervo de publicaciones nishganta y taytacunapis Tarjeta de identidad (ic) nishganta mañacunmanmi wamrancunapaj.
Chichu o gueshyaj caycarga, Información para mujeres embarazadas (S-401) nishganta ancianucunata mañacuy, chayga yanapäshunqui ali decisiuncunata acranayquipaj chichu caycashgayqui wichan o wachanan o gueshyanan horapis.
Hospitalcho quedacunayquipaj captin o ‘yawartaraj churacuynayqui’ operacunapaj doctor nishuptiquega, jucla ancianucunata wilanquiman y hospitalcho caycajcunatapis nirinquiman Jehovapa testiguncunapita mayganlapis watucamushunayquipaj.
¿Imanotaj ancianucuna yanapäshunqui? Paycunaga gam ima decidishgayquita DPA tarjetayquicho churanayquipaj yanapäshunqui, pero manami nishunquichu cayta o wacta ruray, sinoga gam decidishgayquita churanayqui (Ro 14:12; Gál 6:5). Congregaciunniquicho ancianucunata wilaptiqui yawarwanraj doctorcuna operashunayquita munashganta, paycunaga jucla Comité de Enlace con los Hospitales (CEH) nishgan yanapacoj ancianucunata wilanga yanapäshunayquipaj.
¿Imanotaj yanapäshunqui hospitalwan yanapacoj ancianucunaga CEH? Cay hermanucunaga yachachishga caycan doctorcunata y autoridäcunatapis tantiachinanpaj imanir yawarta manami chasquinchichu. Jina doctorcunatapis parlapayta puedinmi yawarta mana churacuylapa atiendishunayquipaj o ima tratamientucunatapis chasquinayquipaj, öraga juc doctortapis ashir yanapashunquimanmi yawarniynaj atiendishunayquipaj.
CAY VIDEUTA RICÄRIY: ¿IMATAJ YANAPÄMÄSHUN YAWARTA CHURAMÄNANCHIPAJ CAYCAPTIN ‘MANA’ NINAPAJ? NIRCUR CAY TAPUCUYPITA PARLACAMUY:
¿Imacunataraj ruranquiman listuna caycänayquipaj yawarta churashunayquipaj munaptin mana chasquinayquipaj?
a Cushishgala imaypis cawanapaj librucho 39 caj yachacuyga yanapäshunquimi shumaj tantianayquipaj ima nintaj Biblia yawarpita.