Yanapacunquimanmi familiayqui masraj cushicunanpaj

Familiacuna cushishga cananpämi Jehovaga munan (Sl 127:3-5; Ec 9:9; 11:9). Ichanga öraga alapa uticashga caycar o pantarcuptinchi familianchi laquicunmanmi. ¿Imatataj familiacho jucnin jucninpis rurapäcunman masraj cushicärinanpaj?

Juc ali runaga warmintami respetan (1Pe 3:7). Ima wilapashgantaga cuyaparmi ali shongulanwan wiyan y agradecicunmi paypaj y wamrancunapaj rurashganta (Col 3:15). Shacya shacyala ‘gamta cuyämi’ nir parlapan y ‘alitami rurashcanqui’ nirpis felicitaycunmi (Pr 31:28, 31).

Juc ali warmiga runanta yanapänanpaj imaypis calpachacunmi (Pr 31:12). Runanpa contrancho caycänanpaj trucanga ali yanapacunanpaj listumi caycan (Col 3:18). Ali shimilapa parlapan y waquincunapa naupancho manami pengachinchu (Pr 31:26).

Ali taytacunaga wamrancunawan puclananpäpis tiempunta camacächin (Dt 6:6, 7). ‘Wamralä cuyayculämi’ nirpis parlapanmi (Mt 3:17). Corriginanpaj captenga cuyacuywan corriginanpaj calpachacärin (Ef 6:4).

Ali wamracunaga taytancunata cäsucunmi y respetapäcunmi (Pr 23:22). Ima yarpashganta y imano sienticärishgantapis wilapanmi. Anyapashgantaga chasquicunmi (Pr 19:20).

CAY VIDEUTA RICÄRIY: ¿IMATATAJ RURASHWAN FAMILIANCHICHO CUSHISHGALA CAYCÄNAPAJ? NIRCUR CAY TAPUCUYPITA PARLACAMUY:

• ¿Imatataj chay familiacho jucnin jucninpis rurargan cushishgala cawapäcunanpaj?