¿Imataj rurashwan mana gongaylapa leinapaj?

Imalatapis leiptiquega, ¿sasachu ticracurin yachacushgayquita yarpänayquipaj? Öraga lapanchitami chayga päsamanchi. ¿Imacunataj yanapämashwan? Alichi canman waquin waquilantapis anotacurcuptinchi.

Yachacushgayqui öraga rätu rätulapis imata yachacushgayqui cajman yarpachacuy. Apóstol Pablupis chayta rurananpaj nergan cartanta liej cristiano masincunata, cayno nir: “Shumaq tantiyakäriy” (Heb. 8:1). Chauraga Pablo munaycargan cartanta leirga tantiapaylapa tantiapaylapa leipäcunanpaj, chaynopa ali yachacärinanpaj.

Ima leishgayquitapis ushariptiquega alichi canman ‘imata yachacushcä, mä yarparcushaj’ niptiqui. Imalatapis umayqui mana charishga captenga; maygan titulunlatapis yarpay, ricapäriy o cada parrafupa galaycunan oraciunlatapis leipäriy. Nircur, ima yachacushgayquitaga quiquiquipis tantiachicamunquimanmi ‘cayta wacta yachacushcä’ nir. Chauraga chay lapanta ruraptiquega manami yarpänayquilapächu canga, sinoga caway vidayquichopis yanapäshunquimi.