Imanotaj canman estudiashgayqui sitio

Japalayqui estudiashgayqui hora, ¿imaraj yanapäshunquiman ali yachacunayquipaj? Caycunata ruraptiquimi ali canga:

• Ali sitiuta acray. Alichi canman chay sitio shumaj achquiyoj y ordenado captin. Chaypäga juc mesa canman mana bullata ruraj sitiucho.

• Japalayqui caycänayquipaj sitiuta ashiy. Jesuspis japalan mañacunanpaj “tsaka tsakala chunyaqninman” aywaj (Mar. 1:35). Familiayquiwan wasiquicho caycaptiquega, estudiashgayqui hora paycunata mañacuy bullata mana rurananpaj.

• Imapis pantachishunquimanchu. Celularniquiwan o tabletayquiwan estudiarga mana bullata rurananpaj churay, chaynopa imapis mana pantachishunayquipaj. Y estudiashgayqui hora yarpaptiqui imatapis ruranayquipaj, anotacurcuy nircur ruranayquipaj. Imayca yarpachacuy cashganraycu shumaj yachacuyta mana puedirga, wajtapa yargur ricachacamuy o imalatapis ruray.