¿Imataj pasargan Satanasta wiyakungampita?

Adanwan Ëvaga wanuyargan Diosta mana wiyakuyangampitami (Génesis 3:6, 23)

Ëvaga culebrata cäsokurmi juk arbolpa frütanta mikukurkurgan. Nirkurnam Adanta gorgan chay frütata, y paypis mikurganmi.

Chaynö rurayanganwanga aläpam juchalakuykuyargan. Chaymi Edén huertapita ishkanta Dios gargurirgan.

Paykunapaj y wamrankunapajpis aläpa aja o sasam kawayninkuna tikrakurirgan. Tiempowannam edäyojna kar wanuriyargan. Manam ciëlopa ni juk lädomampapis aywakuyarganchu, sinöga ushakäriyarganmi.

Wanushgakunaga alpamanmi tikrayan, ni ima ruraytapis manam puëdiyannachu (Génesis 3:19)

Lapanchipa taytanchikunam Adanwan Eva kayan. Chaymi noganchipis wanunchi. Wanushgakunaga manam imatapis rikäyanchu, wiyayanchu ni imatapis rurayta puëdiyanchu (Eclesiastés 9:5, 10)..

Jehoväga manam munarganchu runakuna wanuyänanta. Ichiklanam pishin wanushgakunata kawarachimunampaj. Y wiyakurga manami imaypis wanuyanganachu; mana wanushpa kawaytam tariyanga.