2 CAJ YACHACUY

Cashganchinola parlapashwan

2 Corintios 2:17

ICHIC YACHACUY: Quiquiqui cashgayquino parlanayqui. Chaynopa ricacanga shongupita parlashgayquita y waquincunamanpis yarpachacushgayquita.

Diosta mañacurcur ali preparacuy. Jehovata mañacuy yanapäshunayquipaj yachachicushgayqui hora mana manchacunayquipaj. Yarpachacuy ima ali yachachicuycunata yachachiyta munanqui. Hojacho escribiraycashganta lapantaga ama leiychu, sinoga entiendishgayquipitami parlanayqui.

Bibliapita o juc publicaciunpita leirga, calpachacuy aliraj tantianayquipaj chaycho imapita parlaycashganta shumaj leinayquipaj. Diospa sirvejnin o waquincuna ima nishganpita leirga, paycuna parlashganno sentimientuwan leinayqui, pero mana ali tucuypa.
Shongupita parlay. Yarpachacuy ali wilacuycuna imano runacunata yanapanman. Chayga gajlayquicho, imano parlashgayquicho y maquiquita cuyuchishgayquichopis ricacämunman paycunapaj yarpachacushgayquita.

Quiquiqui cashgayquino parlaptiquipis, respetuwanmi parlanayqui. Calpachacuy lapan palabracunata ali pashtachinayquipaj, jina punto, coma y waquin signucunatapis cuentaman churanayqui.
Wiyaycajcunata ricay. Marcayquicho pilatapis ricaycur parlapaptiqui mana pengacuptenga, gajlancunata ricanayqui. Congregaciuncho discursuta goptiquega, jucnin jucnincunata ricaycur yachachiy.