02 CAJ YACHACUY
Biblia nishganga cushichimanchimi
Chaychicaj runacuna nacarcaycan y laquishga carcaycan problemacunaraycur. Gampis nacaycanquichi gueshyawan o cuyashga castayquicuna wanushganpitapis laquicuycanquichi. Y chaycunapaj pasarga “¿nacarlachuraj imaypis cawacushun?” nirchi tapucunqui. Bibliapa yachachicuynincunaga cushircachimanchi.
1. ¿Imataj Biblia aunimanchi?
Biblia wilamanchi imanir mana alicuna alapa miraycan y tantiachimanchipis ichiclachona chaycuna ushacänanpaj cajta. ¡Chayga ali wilacuymi! Bibliapa aunicuynincunaga yanapäshunqui shamoj tiempucho ali cawacunayquipaj (leiriy Jeremías 29:11, 12). Canan wichanpis yanapämanchi imayca mana alicunapa pasarpis, ali cajcunaman yarpachacunapaj y cushi cushila shuyaränapaj imaycamapis cawananchipaj.
2. ¿Imataj Biblia aunimanchi shamoj tiempupaj?
Bibliaga nin: ‘Wanuy manami canganachu. Nanächicuypis, laquicuypis manami canganachu’ (leiriy Apocalipsis 21:4). Shamoj tiempuchoga muchuy, mana ali ruraycuna, gueshyacuna y wanuypis ilacangami. Cay Pachapis shumaj paraisuman ticranga, chaycho runacuna jaucala imaycamapis cawapäcunga.
3. ¿Imaraj yanapäshunqui Bibliaman yäracunayquipaj?
Lapan runacuna shuyaran mana alicuna ushacänanpaj, pero wata wata mana alicuna mirashganta ricarmi, chayman yäracärinnachu. Ichanga Biblia wilacushganta waran waran shumaj yachacurga, yanapämäshun aunicuynincuna yäracuypaj cashganta musyanapaj (Hechos 17:11). Gampis Bibliapita yachacuptiquirämi quiquiquipita canga yäracunayquipaj o manapis.
SHUMAJ YACHACURCUNAPAJ
Shamoj tiempupaj Biblia wilacushganta yachacurcushun. Nircur ricärishun chay wilacuycuna canan wichan imano runacunata yanapaycan.
4. Mana wanuypa y jaucala cawanapaj Biblia aunimanchi
Ura laducho Biblia aunicushganta jucnin jucninta ricäriy. Y chay lapanpita, ¿maygancuna cumplicänantataj munanqui? ¿Imanir?
Aunicuycunapa laduncho caycaj textucunata leipäcuy y caycunapita yachacäriy:
¿Imanirtaj cay textucuna cushichimanchi? ¿Cay aunicuycunaga amiguyquicunata y familiayquitapis yanapanmanchuraj?
Shamoj tiempuchoga caynomi cawashun:
PIPIS. . . |
LAPAN RUNACUNA. . . |
|---|---|
|
|
|
|
|
|
|
|
|
|
5. Bibliaga yanapämanchi más ali cawananchipaj
Canan wichan imayca mana alicuna captinmi, runacuna laquicuycarla capäcun y juccunaga piñacärinmi. Waquincuna imanopapis calpachacärin cay munduta alchananpaj. Bibliapa aunicuynincuna imano runacunata yanapashganta ricäriy. VIDEUTA ricapäcuy y caycunapita yachacäriy:
¿Imataj Rafika warmita laquichirgan?
Mana ali ruraycuna mana ushacaptinpis, ¿imanotaj Biblia Rafikata yanapargan?
Bibliapa yachachicuynincunaga yanapämanchi imayca mana alicunapa pasarpis, ali cajcunaman yarparänapaj. Leipäcuy Proverbios 17:22 y Romanos 12:12 y caycunapita yachacäriy:
¿Biblia wilacushganga yanapäshunquichuraj cawayniquicho? ¿Imanoraj yanapäshunquiman?
WAQUINCUNA NIPÄCUN: “Bibliapa wilacuynincuna alino captinpis, rasunpaga quevä cumplicanga”.
Bibliapa aunicuynincuna rasunpa cumplicaptenga, ¿manachuraj ali canman imano cananpaj musyanapaj? ¿Imanir?
ICHIC YACHACUY
Bibliaga aunimanchi cushishgala cawananchipaj. Chayga shacyächimanchi y yanapämanchi guepaman mana cutinapaj imayca mana alicuna captinpis.
Yarpänapaj
¿Imanirtaj runacuna Bibliapita yachacärinman?
¿Imataj Biblia wilacamun shamoj tiempupaj?
Biblia wilacushganta musyarga, ¿imanotaj yanapäshunqui?
MASLATA YACHACUNAYQUIPAJ
Yachacuy imano Bibliapa aunicuynincuna yanapämanchi.
“Ali cajcunata shuyarashganchega, ¿pitaj tarichimäshun?” (¡Ricchayna!, 22 abril quilla, 2004)
Yachacuy imano Bibliapa yachachicuynincuna gueshyawan nacaycajcunatami yanapashganta.
“¿Gueshyawan nacashpanchiga Bibliaga yanapämanchichuraj?” (jw.org paginapita yachachicuy)
Cay musicayoj videuta ricaycur, Mushoj Pachacho familiayquiwan canayquipaj yarpachacuy.
Protestata ruraj runata Biblia imano yanapashganta cambiananpaj leiriy.
“Cay mundo cambiananpäga manami nogapitachu” (Wilacamoj, 1 julio quilla, 2013)