159 CAJ CANCIÓN
Taytalanchi Jehovata alabashun
1. Cuyacoj, Lapanta Puedej
yachajpis canqui Dioslä.
Imaycamapis cawajmi
gamno piraj canman Jehová.
Cielucho caycaj tronuyqui
mayraj shumajmi caycan.
Ali cashgayquipitami
shongöpita alabashaj.
(CORO)
Tayta Jehová, Gamlapaj cantarcö,
munayniyoj Dios canqui.
Gampaj cawä, lapanta Camacoj
imaypis sirvishayqui.
Cushish alabashayqui.
2. Imano cashgayquitami
maychopis wilarcushaj.
Ali shonguyoj cashgayqui
lapancuna musyananpaj.
Nishgäwan ruraynëwanpis
gamtaga cäsucushaj.
Calpäwan yarpaynëwanpis
voluntäniquita rurä.
(CORO)
Tayta Jehová, Gamlapaj cantarcö,
munayniyoj Dios canqui.
Gampaj cawä, lapanta Camacoj
imaypis sirvishayqui.
Cushish alabashayqui.
3. Avecunapis cantanmi
waytacunapis tuctun
intipis quillapis achquin,
gamtami alabarcamun.
Ima cuyaylapaj caycan
lapan camashgayquega.
Garacoj cashgayquipita
alabashayqui Taytalä.
(CORO)
Tayta Jehová, Gamlapaj cantarcö,
munayniyoj Dios canqui.
Gampaj cawä, lapanta Camacoj
imaypis sirvishayqui.
Cushish alabashayqui.
(Leiriy Sal. 96:1-10; 148:3, 7).