Imanoraj “Cushishgala imaypis cawanapaj” libruwan Bibliapita yachachicushwan

Estudiantinchiman manaraj aywar

1. 

   1. Leipacushunraj imapita shumaj yachachicunanchipaj. ‘¿Imaraj yarpachacächiycan?, ¿imalanpis pishiycanchuraj?, ¿castancunaga ima religiunmantaj aywan?’ nirmi tapucushwan. Jina tapucushwanmi ‘¿imaraj sasa caycan tantiananpaj, cawayninchopis practicaman churananpaj?’ nir. “Maslata yachacunayquipaj” nishganchopis caycanmi achca yachacunapaj cajcuna, chaytapis shumajraj ricaycushun ‘imanoraj caycunaga estudiantëta yanaparcunman’ nir. Chay lapanta rurarga imanolapapis yanapänapaj listumi caycäshun.

Yachaycächiptinchina

1. 2. Estudiantinchipaj ali captenga Diosta mañacushun galaycunapaj caycar o ushashganchi horapis.

2. 

   3. Pajta noganchila parlar caycashwan. Librucho yurimoj cajlapita yachachicushun. Yachacuycajcunami masga parlacaramunman.

3. 4. Juc yachacunapaj cajmanna pasarga, leircushun Imata yachacunapaj nishganta, nircur waquin yachacuycunapa tituluncunatapis.

4. 5. Yachacunapaj cajcunata jucnin jucninta usharga, caycan Yarparcunapaj nishgan, chaypis yanapangami estudianticuna ima yachacushganta mana gongananpaj.

5. 6. 1 caj yachacuypita galaycur y jucnin jucninman pasarpis cayta rurashwan:

   1. Juntula leishwan yachacunapaj cajcunata.

   2. Bibliapita textucuna yurimuptin “Leipäcuy” niptenga leishwanmi.

   3. Camacaptenga waquin textucunatapis leishwanmi.

   4. 

      Videucuna yurimuptin “Ricapäcuy” niptenga ricashwanmi (mana puedicaptin ichanga mana).

   5. Tapucuycuna yurimuptenga lapanta rurashwanmi.

   6. “Shumaj yachacurcunapaj” nishgancho yurimoj fotucunapitapis parlapacushwanmi.

   7. “Cayta ruranayqui” nishganpitapis parlapacushwanmi. Chaypis estudianticunata yanapanga Diosta sirvinanpaj imacunataraj rurananpaj; cawayninchopis ima cambiucunataraj rurananpaj.

   8. Tapurcushwanmi “Maslata yachacunayquipaj” nishganta ricar mayganlapis gustashganta.

   9. Alichi canman juc yachacuyta galaycushga carga ushanancama chayta estudiaptinchi.

Usharcur aywacuptinchina

1. 

   7. Estudiantinchiman yarpachacuycarla caycashwan. Jehovata ruwacushun calpachacuycashganta bendicinanpaj; noganchitapis yachayta goycalämänanchipaj imano yanapänapaj.