Shapäcamojcunapa wilacuycuna

YANAPACOJCUNA Yanapacojcunaga yanapashunayquipämi carcaycan. Chaymi paycuna nishushgayquicunata casucuy, carruyquita maycho ichircächinayquipaj, maypa purinayquipaj, asientucunata raquinayquipaj y mascunapis canman.

BAUTISMO Bautizacärinanpaj cajcunapa asientuncunaga mayna señalashgana caycanga maycho jamacärinanpaj, discursamojpa nawpancho o juclächopis caycanman. Chaymi paycunaga chay asientucunacho jamacarcärinman sábado tutapa bautismupaj discurso manaraj galaycuptin. Pipis gonganmanchu juc toallata y imawan bautizacunanpaj ropantapis apacamunanta.

AYCALAWANPIS YANAPARCUNAPAJ Cay asamblea ruracänanpäga, imayca gastucunata ruracämushga asientucunapaj, shumaj wiyacänanpaj, videucunata ricänapaj y mascunachopis. Caycunaga yanapamanchi cushi cushila Jehovapita yachacurcunapaj y payta masraj cuyarcunapaj. Localcho caycaj cajacunaman guellayninchita winarcuptinchiga, yanapanga cay asambleapa gastuncunata y Diospa ali wilacuynincuna may chayman chayananpaj. Maycho guellayninchita churarcunapäga, jutichipashga cajacuna caycan. Nircur donate.jw.org paginachopis apachicuyta puedinqui. Alapami agradecicärë yanapacuyniquipita. Ali shongulayquiwan guellayniquiwan yanaparcuptiqui Jehovapa marcancho lapan congregaciuncunata pushacoj hermanucunaga alapami agradecicärin.

GUESHYAYCAJCUNATA YANAPÄNANPAJ Cayga caycan gueshyaycajcunalata atiendipäcunanpämi.

OGRACASHGA CAJCUNA Imalapis ograshga cashganta tariycurga, ogracashga cajcuna sitiuman aparcuy. Imatapis ograycurga, chay sitiuman ayway cutichishunayquipaj. Wamracuna ogracaptinpis, chay sitiulaman aparcuy taytancuna taripäcunanpaj. Lapancuna cushish wiyapäcunanpaj taytacunaga wamrancunatami cuidapäcunman y imaypis ladunlacho capäcunman.

JAMACÄRINANPAJ Waquincunaman yarpapäcunayquipaj ruwacärë. Asientucunataga raquinquiman familiayquicunalapaj, gamwan carrucho caycajcunalapaj y Bibliapita yachaycachej cajcunalapämi. Mana jamacunayquipaj asientucunamanga, imatapis churacunquimanchu.

YANAPACUYTA MUNAJCUNA Asambleacho achca ruraycuna cashpanmi imalachopis yanapacuyta munarga, yanapacuyta munajcuna sitiuman aywaycur wauguicunata wilarcuy.

Jehovapa marcancho lapan congregaciuncunata pushacoj hermanucunaga cay programa camacächishga