¿Canciuncunaga imanotaj yanapamanchi?

JW Broadcasting® paginapita, ¿maygan canciuncunatataj cada cadala wiyanqui? ¿Cay canciuncunaga wilacunchuraj imacunapa pasaycanganchita? Awmi, achca temacunapitami parlamun, shumajmi wiyacämun y lapanpaj gustuncunapäno caycan. Cay canciuncunataga wiyashwan cushicuyta munarlachuraj, o imaparaj más ruracämushga.

Cay canciuncunaga yanapamanchi ali cawanapaj y cushi cushila yachachicunapaj. Canciuncunaga wilacun ali pachächicoj, juc yarpayla, ali amigo, mana manchapacoj, cuyacoj y ali yaracoj canapaj. Waquincunanami parlan Jehovaman yapay cutinapaj, perdunanacunapaj y imaypis Jehovata sirvinapaj. Jina juc canciunpis wilacun celularlata mana arcaräcunanchipaj. Canan tapucushun, ¿imacunatataj yachacushcanchi canciuncunata wiyar?

CAY VIDEUYOJ CANCIUNTA RICÄCHIY: CHAYAYCÄMUNNA. NIRCUR CAYCUNATA TAPUPÄRIY:

• ¿Chay majachacashgacunaga imamantaj yarpachacurcaycan? (Gé 12:3).

• Jehovaga lapan awnicushgantami cumplinga, ¿imataj rurashwan chayman más yaracunapaj?

• ¿Ichiclachona pïcunawanraj tincushun?

• Diospa Gobiernunga imayca alicunatami ruranga, ¿caycunaman yarpararga imanotaj yanapamanchi? (Ro 8:25).