¿Pïcunatataj más invitäman?

Wata watami runacunata invitacunchi cay importante reuniunman shacäramunanpaj: Jesús wanushganta yarpänanchipaj. Jäpa runacunapis chasquingachi invitaciunninchicunata; pero reguinganchi caj runacunapis chasquipäcungami, y paycunata invitacuptinchimi más seguro shapäcamunga cay importante reuniunman (yb08-S 11 párr. 3; 14 párr. 1). ¿Pïcunatataj invitacushwan?

• Aylunchicunata.

• Arojmasinchita o estudiajmasinchitapis.

• Vecinunchicunata.

• Yapayraj watucaycanganchicunata, Bibliata noganchicunawan estudiajcunata o unaycho estudiashga cajcunatapis.

Jinamanpis, ancianucunaga invitapäcunga reuniuncunaman manana shamoj cristianumasinchicunata. Reguinganchi runa carucho caycaptinga, ¿imanoparaj invitacunchiman? Reguishgayqui runapa cercalancho chay reunión maycho y imay hora canganta musyapacaramuy. Chaypäga jw.org paginanchicho, NOGACUNAPITA nejcho yaycuriy y “Yarpänapaj” cajta lapircuy musyanayquipaj. Chay junaj manaraj chayamuptin, cananlapita yarpachacuy pïcunata invitanayquipaj.