ALI CAWANAPAJ
Jovincuna, ¿cuyashga amiguyquicu Jehová?
¿Amiguyqui imano canantataj munanqui? Capazchi munanqui ali shonguyoj y mana traiciunacoj cananta. Chaynomi Jehovaga (Éx 34:6; Hch 14:17). Payga mañacushgayquita wiyashunquimi, necesitashgayqui horachoga imaypis yanapäshunquimi (Sl 18:19, 35). Pantacuptiquipis perdunashunquimi (1Jn 1:9). ¡Ali shongu amigumi Jehovaga!
¿Imanotaj Jehovapa ali amigunman ticranquiman? Bibliata leirmi y payman yaracurmi (Sl 62:8; 142:2). Jehovata musyachishwan Wamran, Gobiernun y lapan awnicuynincuna noganchipaj importante canganta. Jehovapita waquincunata parlapay (Dt 32:3). Ali amigo Jehovawan captiquiga, pay imaypis yanapäshunquimi (Sl 73:25, 26, 28).
CAY VIDEUTA RICÄCHIY: JOVINCUNA: ‘DIOS FIYUPA ALI CASHGANTA CAMAY’. NIRCUR TAPUPÄRIY:
¿Imatataj ruranquiman Jehovaman dedicacunayquipaj y bautizacunayquipaj?
Jehovata más ali sirvinayquipaj, ¿imanotaj congregaciunpita hermanunchicuna yanapäshunquiman?
¿Imanirtaj runacunata yachachicushgayqui yanapäshunquiman Jehovawan amistäniqui sinchi cananpaj?
¡Imayajpis Jehovapa amigun canquimanmi!
¿Imatataj más rurayta puedinquiman Jehovapa?
¿Imataj más gustashunqui Jehovapita?