¿Diospita yachachicojcunapa escuelanman aywayta munanquimanchuraj?

Gamcush 23 watayojna canqui o 65 watapitapis pasanquirächo, precursor regularna canqui, saludniquipis alimi, jina juc läducunachopis yanapacuyta munanqui. Chauraga Diospita yachachicojcunapa escuelanman aywanayquipaj solicitudniquita apachicunquiman. Galaycushganpita, achca casaracushgacuna, japalanla panicuna y wawguicuna mañacärishga aywapäcunanpaj. Chayno captinpis, majaynaj olgucunata más necesitanchi. Jesusno shongupita ganas ganasla Jehovata más sirvinayquipaj mañacuy (Sl 40:8; Mt 20:28; Heb 10:7). Nircur yarpachacuy aruylawan tincupacash mana canayquipaj ni ima chapapis mana cananpaj, aywanayquipaj.

Escuelapita yargamojcunaga caycunachomi yanapacushga: Waquincunaga juc rimayta parlaj congregaciuncho o carrituwan achca runacuna caycashgancho yanapacushga. Waquincuna congregaciuncunata watucaj wawguipa trucan yanapacushga, congreciuncunata watucamoj wawguino o yachachicoj misionerucunanopis. Jehovata más sirvinayquipaj yarpachacushpayqui, unay profeta Isaías yanapacuyta munashganno gampis ninquiman: “Tayta, caycho noga caycä. Nogata cachamay ari” (Is 6:8).

CAY VIDEUTA RICÄCHIY: YACHACHICOJ MISIONERUCUNA: ALI SHONGUYOJ RUNACUNAMAN CHAYAYCAN. NIRCUR TAPUPÄRIY:

• 

  ¿Imanotaj acrapäcun yachachicoj misionero cananpaj?

• 

  ¿Imanotaj cay misionerucuna shumaj yanapacurcaycan?

• 

  ¿Ima bendiciuncunatataj misionerucuna chasquicärin?