ALI CAWANAPAJ
Ushanan junajcunacho cawaycarga mayna listo caycashwan
Ushanan junajcunacho cawaycarga junaj junajmi nacaycuna mirangapaj (2Ti 3:1; nwtsty nota de estudio para Mt 24:8). Cada cadala Jehová yachaycächimanchi desgraciacuna chayamuptin cawayninchita imano salvanapaj. Casucoj carga mochilanchi y más necesitaycashganchicuna mayna listo caycanman, Jehovawan amistäninchitapis sinchiyächir caycarga desgraciacuna chayamuptin salvacushunmi (Lu 16:10).
Jehovawan amistäniquita sinchiyächiy. Chaypäga Bibliayquita mana gongaypa leiy y leishgayquiman shumaj yarpachacuy. Cushi cushila tucuynopa yachachicuy. Cristiano masinchiwan juc tiempula mana tincurpis ama manchacuychu (Is 30:15). Imaycapa pasarpis Jehovawan Jesusga gamwanmi imaypis caycanga (od-S 175, 176 párrs. 15-17).
Necesitaycashgayquicunata alistay. Mochilayquita listuna caycächirpis ayluyquiwan camacächishgayquino caycunata mayna churaycanquiman: micuy, yacu, jampicuna y más necesitaycashgayquicunatapis, desgraciaraycur familiayquiwan juc ishcay quilla o maspis wasilayquicho wichgaraycashga caycaptiqui yanapäshunayquipaj (Pr 22:3; g17.5-S 4, 6).
CAY VIDEUTA RICÄCHIY: IMANOTAJ ALISTACUSHWAN DESGRACIACUNA MANARAJ CHAYAMUPTIN. NIRCUR TAPUPÄRIY:
¿Imanotaj Dioswan amistäninchita sinchiyaycächishwan desgraciacuna manaraj chayamuptin?
¿Imanirtaj...
... ancianucunata mushoj numerunchita, maycho tiyashganchitapis wilashwan?
... mochilanchita y más necesitaycashganchicunatapis alistaycashwanna?
... imayca desgraciacunapita y imata ruranapäpis parlapacuycashwanna?
¿Imacunata rurartaj yanapashwan desgraciacunata nacaycajcunata?
TAPUCURIY: “COVID-19 gueshyaga, ¿imanotaj yanapämashga listo caycänapaj ima desgraciacuna chayamuptin?”