Yachachicunapaj reunión imano ruracänanpaj wilacuycuna

Yachachicunapaj reunión waquin reuniuncunanopis Jehová yachachimanchi cuyacoj y ali yachachicoj cananchipaj (Heb 10:24, 25). Chay reuniunta, pichga o ganchis minutucunalacho pushaj waugui, piwan, maycho predicananpaj ninanmi y mañacunanmi. Öraga más walcalatapis ruranman. Pushacoj waugui shumaj yarpachacurcur-raj hermanucunata yachachinman imano predicananpaj. Sábado junajcho achca hermanucuna llojshimuptin, pushacoj wauguiga semanacho nishganlata yarpachinman. ¿Imapitataj más yachachicunman?

• Ali cawanapaj y yachachicunapaj publicaciuncho imapita yachachicunapaj caycan.

• Chaylaraj yargamush noticiacunawan imano predicanapaj.

• Pipis wiyayta mana munaptin, imano parlapänapaj.

• Diosman mana creejcunata, juc religiuncho caycajcunata y juc rimayta parlajcunatapis imano parlapänapaj.

• Internetcho jw.org nishgan página, JW Library^® nishgan aplicativo o Bibliapis imano utilizanapaj.

• Yachachicunapaj publicaciuncuna imano utilizanapaj.

• Telefunupa, cartapa, callicunachopis predicanapaj, imano yapay watucanapaj o imano Bibliapita yachachinapaj.

• Peligrupita mayaj mayajla caycänapaj, runacunata respetuwan y cushishgala ima gustashganpita parlapänapaj y más yarpachicuycunapis.

• Shumaj leinapaj y yachachicunapaj nishgan videucuna caycan.

• Predicaciuncho yanagamajninchita imano yanapanapaj y shacyachinapaj.

• Bibliapa acrashga textuncuna o predicaciuncho ali pasashganpita hermanucunata wilapanman.