¿Imanoparaj panicuna masta yanapacunman?

Diospa gobiernunpaj panicunaga imaycatapis rurapäcunmi (Sl 68:11). Paycunaga achca runacunatami Bibliapita yachachiycan y maychicaj panicunaga precursorno sirvircaycan. Jina chaychicaj panicunapis betelitacunano, misioneracunano, Diospa wasinta sharcachejno y traductoracunanopis sirvircaycan. Ali tantiaj panicunaga familiancho y congregaciunchopis shumajmi yanapacun (Pr 14:1). Ancianucunano o siervo ministerialcunano mana yanapacurpis, jucnopa congregaciuncho yanapacunman. Warmi captiquega, ¿ima mastaraj ruranquiman Jehovapaj?

• Calpachacuy Jehová munashganno cawanayquipaj (1Ti 3:11; 1Pe 3:3-6).

• Chaylaraj bautizacushga hermanacunata yanapacunquiman (Tit 2:3-5).

• Yarpachacuy más predicanayquipaj y shumaj yachachinayquipäpis.

• Juc rimaytapis yachacunquiman.

• Necesitashgan congregaciunman yanapacunquiman.

• Betelman aywanayquipaj o Diospa wasinta sharcachinapaj solicitudniquita apachinquiman.

• Diospita yachachicojcunapa escuelanman aywanayquipaj solicitudniquita apachinquiman.

CAY VIDEUTA RICÄRIY: ‘PANINCHICUNA JESUSRAYCUR SHUMAJ YANAPACUYCAN’. NIRCUR CAY TAPUCUYCUNAPITA PARLACAMUY:

• Videucho yargamoj panicunaga, ¿imanotaj yanapashushgayqui?