Shumaj consejucunata ashiy jw.org paginacho

Diospa Palabrancho tarinchi shumaj consejucunata imano cawacunapaj cay ushanan junajcunacho (2Ti 3:1, 16, 17). Y chay consejucunaga tucuynopami yanapämanchi cawayninchicho. Tantiarinapaj, ¿wamrayquicunata imano ashmanayquipaj yachacuyta munanquichu? ¿Laquicuycanquichu maygan castayqui wanushganpita? Joven captiqui, ¿pruebacunapa pasaycanquichu? Chayno captenga, jw.org paginacho tarinchi Bibliapa shumaj tantiachicuynincunata chay lapancho yanapämänanchipaj (Pr 2:3-6).

Chaypäga jw.org paginapa galanancho cayman yaycuriy “Bibliapa yachachicuynincuna” y mayganlatapis acrarcuy (1 caj dibujo) leinayquipaj. O “Imayca charashganchicuna” cajman yaycuy, y “Imayca yachachicuycuna” cajpita mayganlatapis acrarcuy (2 caj dibujo). JW Library^® aplicaciunchopis chayta tarinquia. Alichi canman chaycho caycaj yachachicuycunata leinayquipaj. Y juc temacunapita yachacuyta munarga, umancho caycaj ashinayquipaj nishgancho escribiy munashgayqui tema yargunanpaj.

Cayno temacuna guelgarcuy y maygan yachachicuycunalatapis acray leinayquipaj:

• Wamracunata ashmanapaj

• Laquishga caycaj jovincuna

• Juc maja wanucuptin