ALI CAWANAPAJ
Yachacuy Jehová imano yarpashganta
Jehová noganchiwan cushishga cayta munaptinchega, ima decidishganchicuna pay yarpashganwan acuerducho caycanman, y chayga canman juc asuntupaj Biblia imata ruranapaj mana niptinpis (Pr 27:11). ¿Imanotaj chayta lograshwan?
Waran waran Bibliapita yachacushwan. Cada cadala Bibliata leiptinchega Jehová parlapämashganchita wiyaycanchi. Unay marcanta imano tratashganta ricar, cäsucoj sirvejnincunapita y mana cäsucojcunapitapis yachacur yanapämäshun musyanapaj Jehová imano yarpashganta. Chauraga ima decisiunta acranapaj caycaptinchi, espíritu santuga yanapämäshun Diospa Palabrancho yachacushganchita yarpänapaj (Jn 14:26).
Maslata yachacushwan. Imatapis manaraj decidir tapucuy: “¿Bibliapa maygan textucuna yanapämanman cay asuntupita Jehová ima yarpashganta musyanäpaj?”. Nircur Jehovata mañacuy y quiquiqui rimayniquicho caycaj yanapacuycunatapis ashiy Bibliapa consejuncunata cäsucunayquipaj, chaynopa imapa pasaycashgayquicho yanapäshunquimi (Sl 25:4).
CAY VIDEUTA RICÄRIY: MANA UTICAYPA CORRISHUN: ALIYÄCHIMANANCHIPAJ CAJCUNATA MICUSHUN. NIRCUR CAY TAPUCUYCUNAPITA PARLACAMUY:
¿Ima pruebacunapataj chay jipash pasaycargan?
¿Yachacunapaj caycaj yanapacuycunaga imanoparaj yanapäshunquiman chay jipashno pruebacunata aguantanayquipaj?
Tiempunchita camacächiptinchi imatapis shumaj musyapacur-raj decidinapaj, ¿imanotaj yanapämanchi? (Heb 5:13, 14).