Unaycho juchacunata rurashgantami perdunargan

Jesús noganchipaj wanushganpita juchanchicunapita perdunashga canchi (Efes. 1:7). Chayno captinpis, Bibliaga nin Jehová pacienciacoj car unaycho juchacunata rurashgantami perdunargan (Rom. 3:25). Cayga ninan Jesús noganchiraycu manaraj wanuptinpis, unaycho juchacunata rurashganta perdunashgana cargan. ¿Imanotaj chayta Jehová rurargan?

Jehová aunirgan juc miray yurinanpaj, y pipis payman yäracuptin juchancunapita salvashga cananpaj, chaynopa perdunacoj cashganta ricächicuycargan (Gén. 3:15; 22:18). Jehovaga musyarganmi Wamran listo caycänanpaj noganchiraycu wanunanpaj (Gál. 4:4; Heb. 10:7-10). Jesús Pachacho caycar autoridäta chasquishga cargan pipis payman yäracuptin juchancunata perdunananpaj. Pay manaraj wanuptinpis, musyachicuycarganna ichiclacho imata rurananpaj cajta (Mat. 9:2-6).