¿Imanirtaj pipis ali cawayta apamuyta puedinchu? | ¿Ima nintaj Biblia?

Cay Pachacho ni pï runapis ali cawayta apamuyta puedinchu. Ishcay caj Jatun Guerra wichanpita más peliacunalata may chaycho ricanchi. Guerracunataga manami pipis ushacächishgachu; achca naciuncunacho chaylata ricanchi.

¿Imanirtaj runacunaga ali cawayta taripäcunchu? ¿Ima nintaj Biblia?

Quimsa caycan tantiarcunapaj

1. 1. Canan wichan runacunapaj parlar Biblia nin paycunaga “cangapaj quiquillanpaj imatapis yarpaj, guellayllapaj wañoj, manacajcunapita alli-tucoj, […] mana cuyacoj mana cuyapäcoj, pitapis alli-tupayta munaj, washa rima, fiyu, alli goyajcunapa contran, amïguncunata contranman entregaj, mana yarpachacuypa imatapis ruraj, alli-tucoj, ollgoj, Tayta Dios munashanta rurananpa ruquenga shongun munashallanta ruraj”. Chayno capäcurga ¿piraj ali cawayta apamunman au? (2 Timoteo 3:2-4, Tayta Diosninchi Isquirbichishan).

2. 2. Runacunaga quiquilancuna ima problematapis cay munducho alchayta puedipäcunchu; masraj Diosninchi Jehovapita raquicashga caycarga.a Caytapis Biblia nin: “Runaga manami musyanchu imaycama ni imano cawananpaj cashantapis” (Jeremías 10:23, TDI).

3. 3. Cay munduga Diablupa maquinchomi caycan, “paymi llapan runacunata llutanta rurachej” caycan. Satanás nishpapis reguinchimi. Chauraga ‘cay pachacho juchallancho caycajcuna dyablupa maquincho’ caycashgancamaga pelialata y guerracunalatami ricaycäshun (Apocalipsis 12:9; 1 Juan 5:19).

¿Chauraga pipa maquinchotaj caycan ali caway cananpaj?

Bibliaga claro wilacun Diosninchila ali cawayta apamunanpaj.

• “Nogaga maynami yarpaycä gamcuna imano canayquipäpis. Gamcuna alli goyänayquipämi yarpaycä, manami ushacächinäpächu” (Jeremías 29:11, TDI).

¿Imanoraj Diosga aunicushganta cumplinga? Biblia nin: “Diosninchëga manapis aycällatanami Satanasta manacajman churanga.” (Romanos 16:20, TDI). Gobiernunwanmi Diosga ali cawayta apamunga. Chaytami Biblia nin “Reino de Dios”, y Reynin caycan Jesucristo (Lucas 4:43). Cay Pachata Jesús gobernamuptenga ali cawaylami may chaycho canga (Isaías 9:6, 7).

• Masla yachacunayquipaj caytapis leirinquimanmi: “¿Qué cosas logrará el Reino de Dios?”.