Uracho nota

reqiy, Diosta reqiy Tayta Diosta reqirqa payman yärakuntsi y pay munashqanno kawar kushikuntsi. Tsaynöpis tantiyantsi kuyakuq kashqanta, munayniyuq kashqanta, jutsaynaq santu kashqanta, juzgakuq kashqanta, alilata ruraq kashqanta y promitishqanta imaypis cumpliq kashqanta.

Tayta Diosta reqinantsipaq kaq textukuna atskami kaykan:

(1) Tayta Diosta reqinantsipaqmi Jesucristo kay patsaman shamurqan (1Juan 5.20).

(2) Jesucristo mana tantiyatsiptinqa manami pipis Tayta Diosta reqinmantsu (Mat. 11.27).

(3) Mana ushakaq kawayta tarirqa Tayta Diosta y Jesucristuta reqintsimi (Juan 17.3).

(4) Payta reqinantsipaqmi Tayta Dios promitimashqantsi (Heb. 8.11).

(5) Juknintsi juknintsi kuyanakurmi Diosta reqintsi (1Juan 4.7-8). Tsaynöpis liyinki Jer. 22.16.

(6) Tayta Diosta reqiptintsimi yanapamantsi munashqanno kawanantsipaq (2Ped. 1.3).

(7) Tayta Diosta reqishqantsimi lapanpitapis mas ali kaykan (Jer. 9.23-24).

(8) Apóstol Pablupis Jesucristuta mas reqiytami munarqan (Fil. 3.10).

Kay patsacho kawashqantsiyaq Tayta Diosta reqirpis lapantaqa manami shumaq tantiyantsitsu (Isa. 55.8-9; Rom. 11.33-34). Diospa nawpanman chayaykurmi itsanqa payta shumaq reqishunpaq (1Cor. 13.12; Apoc. 22.4).