Uracho nota

mandaykashqan, Tayta Dios mandaykashqan Tayta Dios mandaykashqan nishqanqa Tayta Dios shamur fiyu runakunata ushakätsinanpaq y ali kawayta apamunanpaq kashqantami niykan (Isa. 13.9-10; 65.17-25; Joel 1.14-16; Zac. 14.9). Tayta Dios mandaykashqantami Israel runakuna atska wata shuyarqan (Mar. 15.43).

Jesucristo shamurnami Tayta Dios mandaykashqan chayamushqantana wilakurqan (Mat. 4.17; Luc. 7.22; 10.23-24; 17.20-21). Tsaynöpis wilakurqan Tayta Dios mandaykashqan nirkurraq kananpaq kashqantami (Mar. 9.47; 14.25; Luc. 13.28). Tsaymi tantiyantsi Jesucristuta chaskikur Tayta Dios mandaykashqancho kawaykashqantsi qalaykunalanraq kashqanta.