Uracho nota

Satanás Satanásqa supaykunapa mandaqninmi kaykan. Payqa manami Diosnötsu maytsaychöpis kaykan. Satanáspa wakin jutinkunami kaykan diablu y Beelzebú (Mar. 1.13; Hech. 13.10).

Satanásqa supayninkunawanmi (1) runakunata pantakätsin lutanta wilakärinanpaq y Tayta Diospa wilakuyninta mana chaskikärinanpaq (1Rey. 22.19-23; Juan 8.44; 2Cor. 4.4; 11.14), (2) Tayta Diospa contran pelyapäkun (Dan. 10.13-14; Efe. 6.12) y (3) Diosman yärakuqkunata tentan (Mat. 4.1-11), tumpan (Apoc. 12.10) y jutsaman tunitsin (Gén. 3.1-7).

Tsayno kaptinpis Jesucristuqa Satanásta vincishqanami (Juan 16.11; Col. 2.15). Tsaymi Satanásqa rabyashqa puriykan. Tsaymi ichipänantsipaq alcäbula kashun (1Ped. 5.8-9). Ichipaptintsiqa qeshpikunqami (Stg. 4.7). Satanástawan supaykunataqa imaypis mana upiq ninamanmi Jesucristo qaykunqa (Mat. 25.41; Apoc. 20.10).