Viernes 26 setiembripita
Tsaka tsakala chunyaqninman Jesús aywakurqan Tayta Diosta manakunanpaq (Mar. 1:35).
Jesusga manami shimilapitachu discipuluncunata nergan mañacunanpaj. Paypis Taytanpita runacunata yachachir imaypis mañacoj. Achca runa gatirpaptinpis o imayca ruraynincunawan caycaptinpis tiempunta camacächergan mañacunanpaj (Mar. 6:31, 45, 46). Öraga chaca chacala sharcoj Papäninwan parlananpaj. Juc cutichomi waraytaraj mañacurgan discipuluncunata acrananpaj (Luc. 6:12, 13). Manaraj wanur chacaychopis Jehovata cutin cutinmi mañacurgan, payga musyarganmi ichiclacho rurananpaj caycashganga alapa sasa cananpaj cashganta (Mat. 26:39, 42, 44). Jesús rurashganga yachachimanchi imayca ruraycunawan caycarpis tiempunchita jorgushwan Jehovata mañacunapaj. Jesús rurashganno camacächishwan imay y ayca cuti mañacunapaj, chaypäga capaz tuta tutala sharcushwan y manaraj mañacur punurpis aywashwanchu. Chaynopa valuranchi Jehovawan parlanapaj camacächishganta. w23.05 3 parr. 4, 5
Sábado 27 setiembripita
Tayta Diosninchëga cuyamashanchïta Espíritu Santuwanmi musyachimashcanchi. Chay Espíritu Santutaga Tayta Diosninchïmi noganchïman cachamuran (Rom. 5:5).
Bibliachoga nin Jehová paycunata alapa cuyashpan espiritunta cachamurgan. Chaymi alapa cushicunchi cielupaj acrashgacunata Jehová cuyashganta musyar. Quiquincunapis musyapäcun Jehová paycunata amatar cuyashganta (Jud. 1). Jucnin jucnincunapis apóstol Juan nishganno nipäcun: “¡Tayta Dios pasaypami kuyamantsi! ‘Wamräkunami karkaykanki’ nimantsi” (1 Juan 3:1). Chaura, ¿cielupaj acrashgacunalatachuraj Jehová cuyan? Manami, payga lapan sirvejnincunatami cuyamanchi. Jehová amatar cuyamashpanchi cuyashga wamranta cachamurgan noganchiraycu wanunanpaj. Paynoga manami pipis cuyamanchichu (Juan 3:16; Rom. 5:8). w24.01 28 parr. 9, 10
Domingo 28 setiembripita
Noqa musyämi mana kachaypa yanapaykämashqaykita. Yanapamänaykipaq manakuptï conträkuna qeshpirmi aywakärinqa (Sal. 56:9).
Jana textucho nimanchi ima masta David rurargan mana manchacunanpaj. Pay yarpachacurgan shamoj tiempucho payraycu imataj Jehová rurananpaj. Musyarganmi Jehová imapitapis salvananpaj. Jehová aunishga cargan David Israelcho rey cananpaj, chaymi yäracurgan imapitapis chapänanpaj (1 Sam. 16:1, 13). Jina Davidga musyarganmi Jehová imatapis auniptin cumplishganta. Jehovaga manami aunimashganchichu canan wichan problemanchicunata ilacächinanpaj. Pero canan imayca mana alicunapa pasaycarpis ama gongashwanchu Jehová aunimanchi mushoj Pachacho chay lapancunata ushacächinanpaj (Is. 25:7-9). Pay alapa poderyoj captin wanushgacunata cawarachimunga, gueshyaycajcunata aliyächenga y chiquimajninchicunatapis ushacächenga (1 Juan 4:4). w24.01 6 parr. 12, 13