Martes 2 setiembripita
Santu espirituga imaycata ali musyan, Diospa pacaraycaj yachaynintapis (1 Cor. 2:10).
Jatun congregaciuncho caycaptiquega, capaz munashgayquino achca cuti parlacaramuyta puedinquichu. Chayno captenga, yarpashcanquichi manana maquiquita jogarinayquipaj. Ichanga ama guelanaychu. Juc comentariupitapis mastaraj preparacunquiman. Chaynopa galanan parrafucunacho comentayta mana puedirga, gatejnincunacho ruranqui. Wilacamoj revistapita yachacunapaj captenga yarpachacuy imano cada parrafucuna tincun yachacushgayqui temawan. Chayta rurar musyanquipaj imata yapapänayquipaj. Chaypitapis sasa temacunapita wilacushgan parrafucunata preparacunquiman comentanayquipaj. Chaycunata tantiachicunapaj sasa captinmi walcajlami maquinta jogarenga parlacamunanpaj. Ichanga ¿imataraj ruranquiman mana acrashuptiqui comentanayquipaj? Reunión manaraj galaycuptin chay estudiuta pushaj hermanuwan parlapay maygan parrafuta contestashgayquita munashgayquipita. w23.04 21, 22 parr. 9, 10
Miércoles 3 setiembripita
Josëqa Tayta Diospa angilnin nishqannöla Maríawan tarqan (Mat. 1:24).
Josega ali runa cargan, Jehovapa consejuncunata ali shongulanwan chasquicojmi. Juc cuticho imata rurananpaj quimsa cuti Jehová nergan y Josega jucla cäsucurgan (Mat. 1:20; 2:13-15, 19-21). Jehovata cäsucushganraycumi Josega warmin Mariata ali cuidargan. Chaychari Mariaga runanta masraj respetargan y cuyarganpis. Casado olgu captiquega, Josenomi ruranquiman, Bibliacho ashinquiman consejucunata familiayquita cuidanayquipaj. Diospa consejuncunata cäsucushgayquega ricacämungami y chayga mayraj yanapäshunqui warmiquitapis masraj cuyanayquipaj. Ali calpachacuptiquega imapis raquichishunquichu majayquipita. 20 watacunanona casada caycaj Vanuatu marcapita juc cristiana cayno nin: “Imata decidinanpäpis Jehovapa consejuncunataraj runalä ashiptenga masraj respetaycö. Alapa yarpachacönachu, ima decidishgancunamanpis yäracöna”. w23.05 21 parr. 5
Jueves 4 setiembripita
Tsaypami nänipis aywaranqa. Tsay nänipa jutinmi kanqa Sagrädu Näni (Is. 35:8).
Babiloniapita cutipäcamoj judiucunaga Diospa “santu runakunami” capäcunan cargan (Deut. 7:6). Chayno captinpis paycunaga calpachacunanrämi cargan Jehová munashganno cawapäcunanpaj. Maychicaj judiucunaga Babiloniachomi yurergan, chaymi babiloniucunanona waquin judiucunaga yarpaytapis cawaytapis galaycärergan. Nehemiaspis pasaypa almiracorgan judiucunapa wamrancuna hebreo rimayta mana yachashganpita (Deut. 6:6, 7; Neh. 13:23, 24). Diospa Palabranga hebreo rimaychomi guelgaraycargan. Chauraga, ¿imanoparaj Diosta cuyanman y yachacunman hebreo rimayta mana yacharga? (Esd. 10:3, 44). Chaypäga, judiucuna cambiucunata rurananpaj calpachacärinanrämi cargan y más fácil canman Israel naciunchona cawaycar, chaychoga ichic ichiclapa Jehová Diosta yapay adurayta galaycärishga cargan (Neh. 8:8, 9). w23.05 15 parr. 6-7