¿Ima ali wilakuykunataj noganchipaj kan?

1. ¿Imata wilapämayninchitataj Dios munan?

Kushishga kawananchitami Diosga munan. Kuyamarninchimi kamashga Patsata y lapan chaycho kaykajkunata. Ichiklachönami tukuy mana alikunata ushakärachinga pï may runakuna kushishga kawakuyänampaj. Lei Jeremías 29:11.

Manami ni maygan gobiernuga ushakächishgachu peliakunata, gueshyakunata ni wanuytapis. Chaymi, ichiklachöna Diosga ushakärachinga kay lapan mana ali gobiernukunata y kikimpa gobiernunta churamunga, ¡kaymi ichanga ali wilakuyga! Kushishga y mana gueshyaypami markanga kawanga. Lei Isaías 25:8; 33:24, y Daniel 2:44.

2. ¿Imanirtaj alapa ali kay wilakuykunaga?

Nakaykuna manana kanampajga, mana ali runakunataran Diosga ushakächinan (Sofonías 2:3). ¿Imayraj chaytaga ruramunga? Bibliaga wilakurgannami kanan wichan nakaykuna kanampaj kajta, kaymi musyachimanchi ichiklachöna Diospa munaynin rurakänampaj kajta. Lei 2 Timoteo 3:1-5.

3. ¿Imatataj rurashwan?

Bibliatami estudiananchi Diosta más reguinapaj, Bibliaga juk kuyakoj tayta cartakamungannömi. Chaychömi yachakushun kanan wichan imano kushishga kawanapaj, y imaykamapis kawayta tarinaraykur imata ruranapajpis. Bibliata estudiaptikega manami lapanchu kushikuyanga; pero ama casupaychu, porque chaskinaykipaj kaj bendiciunkunaga maychikajmi kanga. Lei Proverbios 29:25 y Apocalipsis 14:6, 7.