Caycunata rurar Jehovaman yäracushganchita ricächicunchi

David lapan shongunwan Jehovaman yäracushpanmi Goliat-ta vencirgan (1Sa 17:45). Jehová lapan amiguncunatami calpanwan yanapan (2Cr 16:9). ¿Imataraj rurashwan Jehovaman yäracuycashganchita ricächinapaj y mana quiquinchimanga? Caycunata rurashun.

• Imay horapis mañacuy. Manami mañacunquimanchu juchayquilata perdunananpaj, sinoga calpata goshunayquipäpis, chayno juchaman mana ishquinayquipaj (Mt 6:12, 13). Ima decidishgayquita Jehová bendicinanpaj mañacuy, pero masrämi mañacunquiman manaraj imatapis decidishgayquicho pushashunayquipaj (Snt 1:5).

• Waran waran Bibliata leinayqui y shumaj yachacunayqui. Cada junaj Bibliayquita leiy (Sl 1:2). Bibliacho caycaj unay warmi olgucunapita yachacuy y paycuna rurashganno ruray (Snt 1:23-25). Yachachicunayquipäga shumaj yachacuy y quiquiquipa yachachicushgayquimanga ama yäracuychu. Y reuniunman manaraj aywar shumajraj yachacuy.

• Jehovapa marcanta pushajnincunata yanapay. Chaylaraj yargamushga publicaciuncunata leiy, nircur cäsucuy (Nú 9:17). Congregaciuncho ancianucuna yachachishganta y consejuncunatapis cäsucuy (Heb 13:17).

CAY VIDEUTA RICÄRIY: ¡AMA MANCHACUYCHU PIPIS GATICACHASHUPTIQUI! NIRCUR CAY TAPUCUYCUNAPITA PARLACAMUY:

• ¿Imapita hermanucuna manchacärishga?

• Mana manchacunanpaj, ¿imataj yanapashga?