YAPAY CUTISHUN
YACHACUY 8
Pacienciacushun
Biblia cayno tantiachicun: “Kuyakuq karqa ima kaptinpis pacienciakuntsimi” (1 Cor. 13:4).
¿Imatataj Jesús rurargan?
1. Ricänapaj caycan juc VIDEO o Juan 7:3-5 y 1 Corintios 15:3, 4, 7 textucunatapis leiriy. Nircur yachacuy cay tapucuycunapita:
¿Jesusmanga juclachu hermanuncuna yäracärergan?
Galaycunancho Santiago mana yäracushga captinpis, ¿imanir-raj tiempuwan Jesús payta yuripargan?
¿Imatataj yachacunchi Jesús rurashganpita?
2. Waquincunaga tiempuwanrämi Diosta sirvir galaycärin, chaymi pacienciacunanchiraj.
Jesús rurashganno rurashun
3. ¿Ima mastataj rurashwan? Pilatapis obligashwanchu Bibliapita yachacunanpaj. Pero ganasnin cananpaj imalatapis rurananchipaj captenga alichi canman, capaz caycan juc videulapis ricächinanchipaj o juc publicaciunlapis leichinanchipaj.
4. Pitapis tincuchishwanchu jucwan. Runacunaga juc costumbriyojpis juc yarpayniyojpis capäcunmi. Maygan aylunchipis o pï runacunapis Bibliapita parlapänanchita manana munaptenga alichi canman ‘imanir-raj yachacuyta munannachu’ nir tapucuptinchi. ¿Religiunnincho yachacashganraycurchuraj munanchu? ¿Castancunachuraj pasaypa michäcuycan yachacunanta? Öraga ichic tiempuraj pasanga ali yarpachacurcur Bibliapita yachacur galaycunanpaj.
5. Jehovata mañacushun chay runata yanapänapaj. Jehovata mañacushun ali yachachicoj y ali tantiaj runa canapaj. Y yachachiycashganchi runa ima cambiulatapis mana ruraptenga, Diosta mañacurir alichi canman ‘cay runata yachachir siguëmanchuraj o manana’ niptinchi (1 Cor. 9:26).