Cay Pacha shumaj huertamanmi ticranga

Lapan casta runacuna paraisucho cushi cushila junto carcaycan

Jehová ushacächinga Satanás rurashgancunata. Cay Pachata gobernamunanpaj wamran Jesucristuta churashga. Pay gobernamuptinmi cay pachaga juc shumaj huertaman ticranga (Daniel 7:13, 14; Lucas 23:43).

Jehová ima aunimashganchicunata ricärishun:

AYPALAMI MICUY CANGA: “Chakracho mikuykuna alimi wayunqa. Tayta Diosnintsimi bendicionninta churamunqa”. “Trïgu shumaq wayuykulätsun. Intëru jirkakunachöpis kichkiyparaq kaykulätsun” (Salmo 67:6; 72:16).
GUERRACUNA CANGANACHU: “Paymi kay patsacho mantsariypaq kaqkunata ruran. Mandaptinmi maytsaychöpis guërra mana kannatsu” (Salmo 46:8, 9).
FIYU RUNACUNA CANGANACHU: “Fiyu runakunataqa TAYTA DIOSMI ushakätsinqapaq. [...] Manapis aykaqlatanami fiyu runakunaqa ushakanqapaq. Mayjina ashirpis manami tarinkipaqtsu” (Salmo 37:9, 10).
GUESHYACUNA, NANAYPIS NI WANUYPIS CANGANACHU: “Tsaymi qaprakunapis rikanqana. Mana mayaqkunapis mayanqana. Weqrukunapis luychunöraqmi pañanqa. Shimin mana pashtaqkunapis kushikurmi cantanqa. Chunyaq jirkakunachöpis atskami yaku pashtanqa. Tsaki jirkakunapapis mayunöraqmi yaku aywanqa” (Isaías 35:5, 6).

“Kikin Tayta Diosmi paykunawan kaykanqa. Paykunata shoqashpanmi weqinkunatapis pitsapanqa. Wanuypis, waqaypis, lakikuypis y nakaykunapis manami kanqanatsu. Tsaykunaqa lapanmi ushakanqa” (Apocalipsis 21:3, 4).

Satanasno ni supaycunano, Jehovaga manami lulacunchu lapan aunimashganchicunataga cumplingami (Lucas 1:36, 37). Jehovaga amatar cuyashunqui; cay Pachataga shumaj huertamanmi ticrachenga, chaycho cawanayquipäga Jehovapa testiguncunata ashiy Diospa Palabranpita shumaj yachacunayquipaj. Y Dios nishganta cäsucurga manami luta yachachicuycunata creinquinachu ni ‘wanushgacunapa alman puriycan’ nir manchacunquinachu. Tiempuwanga juchaynaj runaman ticranquipaj y imaycamapis cawacunquipaj. Jesucristo nishgannomi “rasunpa kaqta tantiyapäkushpayki librina kapäkunkipaq” (Juan 8:32).