¿Imapitataj salvaycalämanchi Jesús wanushgan?

Adanwan Evaga Diosta mana cäsucurmi wanupäcurgan, chayraycur noganchipis nacanchi y wanunchi.a Chauraga ¿chaynolachuraj cawacushun? Manami. Jehovaga cuyapämashpanchimi Churinta mandamurgan noganchiraycur wanunanpaj. Bibliapis nin salvashga canapäga o juchanchicunapita librashga canapäga Jesuspa wanuynin juc pago japuy cashganta (leiriy Mateo 20:28). Cay Pachacho Jesús caycarga, juchaynaj cargan y Diosta cäsucurla cawacurgan, chauraga imapitapis juchayoj mana caycarga ¿imanirtaj wanurgan? Taytannola amatar cuyapämashpanchimi; chaynopa Adanwan Eva lapan ograshganta tarichimänanchipaj. Caycho yachacushganchega masrächi yanapämäshun Jesuswan y Taytanchi Jehovawan agradecido canapaj.

1. ¿Imanotaj Jesús wanushgan canan tiempo yanapämanchi?

Juchasapa cashganchiraycur öraga lutanta rurar Jehovata cäsucunchichu. Pero Jesuspa jutilancho Diosta mañacur juchanchipita arrepenticurga y mana juchalacuycänapaj calpachacurga Jehovaga amiguntanomi chasquimäshun (1 Juan 2:1). Bibliami nin: “Jesucristupis juchaynaj caycarmi juchasapacuna raycu nacargan. Tayta Diosman pushamänanchipajmi juchanchipita juc cutila wanurgan” (1 Pedro 3:18).

2. Jesús wanushganga, ¿imanotaj shamoj tiempuchopis yanapämäshun?

Jehovami Churinta mandamurgan noganchiraycur wanunanpaj, “pipis payman yäracoj cajga mana ushacangachu, sinoga mana ushacaj cawayta tarenga” (Juan 3:16). Jesús wanushganraycurmi Jehová ilgächenga Adanpa culpanraycur lapan nacachimashganchicunata. Chaymi Jesús wanushganman yäracurga mana ushacaj cawaytapis tarishunmi y cay Pacha paraisuman ticrashgantapis ricashunmi (Isaías 65:21-23).

SHUMAJ YACHACURCUNAPAJ

3. Jesús wanushganwan librashga canchi juchapita y wanuypita

VIDEO: ¿Imanirtaj Jesús wanurgan? (juc caj) (2:01)

• ¿Diosta mana cäsucushganraycur imatataj Adán ogrargan?

Leipäcuy Romanos 5:12 y caypita parlapacäriy:

• ¿Imanotaj cawayniqui caycan Adán juchalacushganraycur?

Leipäcuy Juan 3:16 y caypita parlapacäriy:

• ¿Imapätaj cay Pachaman Jehová Churinta mandamurgan?

1. Adanga cargan juchaynaj runa, ichanga juchata rurashganraycurmi ima nacaypis galaycamush.

2. Jesuspis cargan juchaynaj runa y Diosta lapancho cäsucushpanmi mana wanuypa cawayta tarichimäshun.

4. Jesusga lapan runacunapämi wanushga

VIDEO: ¿Imanirtaj Jesús wanurgan? (ishcay caj) (2:00)

• ¿Imanirtaj ninchi juclayla runa wanushgan, lapan runacunata salvayta puedishganta?

Leipäcuy 1 Timoteo 2:5, 6 y caypita parlapacäriy:

• Adanga juchaynaj runa caycar, juchata rurashganraycurmi wanuypis nacaypis galaycamush. Jesuspis juchaynaj runami cargan, ¿imanirtaj ninchi paypa wanuyninla, Adán lapan ograshganta tarichimanchi?

5. Jesús salvamashganchega Jehovapa juc regalo japuy caycan gampaj

Jehovapa amigun carga, Churin rurashganpitami waran waran agradecicuycäshunla; tantiarcunapäga leipäcuy Gálatas 2:20 (TNM) y caypita parlapacäriy:

• ¿Ima nirgantaj apóstol Pablo payraycur Jesús wanushganpita?

Adanga juchata rurashganpitami wanurgan, chayraycur noganchipis wanunchi. Pero Churinta cay Pachaman Jehová mandamurgan y wanushganwanraj mana ushacaj cawaytapis tarinchi.

Gatejnin textucunata leir yarpachacuy imanoraj Jehová ricacurgan Churin wanushganta ricar. Leipäcuy Juan 19:1-7 y 16-18 (TNM) y caypita parlapacäriy:

• ¿Imanotaj ricacunqui chay jinanpa Jehovawan Jesús cuyashushgayquita ricar?

ICHIC YACHACUY

Lapanchipaj Jesús wanushganraycurmi, Jehovapis juchanchita perdunan y mana ushacaj cawayta tarinapäpis aunimanchi.

Yarpänapaj

• ¿Imanirtaj Jesús wanurgan?

• ¿Imanirtaj Jesusraj wanunan cargan wanuypita y juchapita librashga canapaj?

• ¿Imataraj tarinqui Jesús wanushganraycur?

MASLATA YACHACUNAYQUIPAJ

Yachacuy imanotaj wanushganwanraj Jesús salvamanchi.

“¿Imanirtaj ninchi Jesús wanunanraj cargan achca runacunata salvananpaj?” (jw.org paginapita yachachicuy)

Yachacuy imacunatarätaj rurashwan salvashga canapaj.

“¿Imanotaj Jesús salvamanchi?” (jw.org paginapita yachachicuy)

¿Jehová perdunanchuraj jatun juchacunatapis?

“Bibliapita ima tapucärishgan” (Wilacamoj, 1 mayo quilla, 2013)

Jesuspa wanuyninpita yachacushgan juc runata yanapargan más ali runamanna ticrananpaj.

“Pelialacho cacushgäpita yargucurgä” (jw.org paginapita yachachicuy)