¿Imanotaj Diospita may chaycho yachachicuycanchi?

Walcalana pishin imayca nacaycunata Gobiernunwan Jehová ushacächinanpaj. Cayga pitapis wilapänapaj ¡ali wilacuycunami! Jesusga nergan chay ali wilacuycunata may chaypa apanapaj (Mateo 28:19, 20). ¿Imatataj Jehovapa testiguncuna rurapäcush Jesús mandacushganta cäsucunapaj?

1. ¿Imanotaj Mateo 24:14 texto nishgan cumplicaycämun?

Jesús nergan: “Tayta Diospa maquincho cawananpaj cajtaga may-chaychöpis llapan runatarä” wilapänapaj cajta (Mateo 24:14). Y noganchega cushi cushilami chayta ruraycanchi: lapan naciuncunacho 1.000 rimaycunapitapis mascho Diospita yachachicuycanchi. Y Dios munashganno cananpäga imatapis shumaj camacarcachir-raj lapanta ruranchi. Quiquin Jehovami yanapaycalämanchi.

2. ¿Imatataj ruranchi runacunata yachachinapaj?

Pï maytapis parlapanchimi Diospita y naupa cristianucunanolami runacunataga ‘wasincunachopis’ ashinchi (Hechos 5:42). Chaytami watan watan ruraycanchi maygan wasilapis predicäni mana quedananpaj. Y runacunata wasincunacho mana tarerga mayna callicunachopis yachachicuycanchi. Aumi, imaycanopami runacunataga parlapaycanchi Jehová imata rurananpaj cajpita.

3. ¿Pïcunataj predicarcaycanman Diospa ali wilacuynincunata?

Lapan rasunpa caj cristianucunami predicarcaycanman. Manami ninchichu ‘tiempö captinrächi yachachicoj yargushaj’ nir. Runacunaga salvacärenga rasunpa caj caminuman shacamunanpaj yanapaptinchiraj (leiriy 1 Timoteo 4:16). Y manami pagutarächu shuyaranchi, Bibliami nin: “Dibaldillami chasquishcanqui. Chaymi ama cobranquichu” (Mateo 10:7, 8). Runacuna mana wiyamaptinchipis jinala predicaycanchi Diosta aduranapaj y payta cushichinapaj.

SHUMAJ YACHACURCUNAPAJ

4. Calpachacunchimi lapan runacunaman chayanapaj

VIDEO: Caru marcacunamanpis chayanchimi yachachicunapaj (7:33)

• ¿Ima ninquitaj predicanapaj lapan calpachacuycashganchita ricar?

Leipäcuy Mateo 22:39 y Romanos 10:13-15 y caycunapita parlapacäriy:

• ¿Imaraycurtaj runacunata Diospita parlapanchi?

• Jehovapita yachachicuptinchega, ¿imanotaj payga ricaycalämanchi? (15 caj versiculuta ricäriy).

5. Diospa arojnincunami canchi

Yachachicuptinchega quiquin Diosmi pushaycalämanchi. Mä parlarishun Paul cristianupita (Nueva Zelanda naciunpitami payga). Tardipaypa yachachicuycaptinshi juc warmita tarergan. Chay warmega chay tutalash Jehovata ruwacurgan ‘pilapis shamuyculächun gampita yachachimänanpaj’ nir. Paul cayno nin: “Chay warmi mañacamushganpita quimsa horacuna pasarcuptenga nogaga mayna puncunchona caycargä”.

Leipäcuy 1 Corintios 3:9 y caypita parlapacäriy:

• Cay hermano pasashganta ricar, ¿ima ninquitaj quiquin Jehová predicaciuncho pushaycämashganchipita?

Leipäcuy Hechos 1:8 y caypita parlapacäriy:

• ¿Imanirtaj predicaciuncho Jehová yanapämänanchitaraj necesitanchi?

¿Mayashcanquichu?

Pulan semana reuniunchoga imano predicanapämi yachachimanchi. Reuniunninchiman gampis aywashgana carga, ¿ima ninquita ali yachachicoj canapaj yanapämashganchipita?

6. Predicarga Diosninchi mandacushgantami cäsucunchi

Unay cristianucunataga, Diospa contrancho caycajcunami michäcärej predicapäcunanta. Pero cay cristianucunaga alimi churapänacärergan libre predicapäcunanpaj (Filipenses 1:7). Canan wichanpis chaynolami leycunaga camacashga caycan may chaycho yachachicunapaj.a

VIDEO: Libre predicanapaj imata rurashganchicuna (2:28)

Leipäcuy Hechos 5:27-42 y caypita parlapacäriy:

• Ima captinpis, ¿imanirtaj Diospitaga yachachicuycäshunla? (Ricapäcuy  29, 38 y 39 versiculucunata).

ICHIC YACHACUY

Gatejnincunatami Jesús mandargan entero munducho predicapäcunanpaj. Y may chayman chayanapäga quiquin Jehovami yanapaycämanchi.

Yarpänapaj

• ¿Imataj ruracaycämun Diospa ali wilacuynincuna lapan runacunaman chayananpaj?

• ¿Imaraycurtaj lapan runacunata yachaycächinchi?

• ¿Diospita yachachicushganchega cushircachimashwanchuraj? ¿Imanir?

MASLATA YACHACUNAYQUIPAJ

Ricäriy imanotaj predicapäcun Jehovapa testiguncuna jatun marcacunachopis.

Carritucunawan predicarcaycan París marcacho (5:11)

¿Imanotaj marcancunapita gueshpejcunatapis Diospita parlapanchi?

Marcancunapita gueshpejcunatapis yanapanchimi Diospa Palabranwan (5:59)

Caycho musyarinqui imanotaj lapan tiempunwan Diosta sirvej panipa cawaynin caycan.

Maypa aywashgäga shumajmi cargan (6:29)

Caycho wilacaycämun libre predicacunapaj imanotaj leycuna camacänanpaj yanapacushcanchi.

“Yachachicoj hermanucunaga juiciumanraj aywapäcush” (El Reino de Dios ya está gobernando, 13 caj capítulo)