34 CAJ YACHACUY
¿Imanotaj Jehovata cuyashganchi ricacämunman?
¿Amiguyquitanonachu Diosta ricanqui? Masraj cuyanayquipaj calpachacuycarga, Paypis masraj gamta cuyashunqui y imapitapis chapayculäshunqui. ¿Pero imanotaj ricacämunman Jehovata cuyashgayquega?
1. ¿Imata rurartaj Jehovata cuyashganchi ricacämunga?
Cäsucoj captinchirämi Diosta rasunpa cuyanchi (leiriy 1 Juan 5:3). Quiquinchicunami acranchi cäsucunapaj o manapis, pero mayraj payga cushicun waran waran cäsucoj canapaj calpachacuptinchi. Chaymi Bibliapis nin Jehovaga cuyapanshi ‘llapan shongunwan’ cäsucojcunata (Romanos 6:17). Chauraga manachi Diosninchitaga cäsucushunchu waquincuna nimaptinchila, ali shongulanchiwanmi paytaga amatar cuyashwan. Yachacunapaj cajcuna 3 y 4 cajchoga, yachacushun imanotaj Diosta cuyarga pay munashgalanta rurar cawashwan.
2. ¿Imanir-raj Jehovata cuyanapäga sasano ticracurinman?
“Diosta cäsucoj runapajga imalapis caycanmi laquicunanpaj” (Salmo 34:19). Juchasapa cashganchiraycur y cay mana ali munduraycurpis Diosta sirvinapäga imacunapis sasa ticracurin. Öraga caway vidanchicho imalapis pasanmanmi, y chaycunapis michämashwanmi cushi cushila Jehovata sirvinapaj. Cäsucoj runa canapäga calpachacunanchirämi. Ima problemapapis pasashgayquichomi ricacämunga Diosta rasunpa cuyashgayqui o mana. Yäracoj runa captiquega payga manami jaguirishunquichu (leiriy Salmo 4:3).
SHUMAJ YACHACURCUNAPAJ
Ricärishun imanirtaj Jehová cushicun cäsucoj captinchi, y imataj yanapämashwan paypita mana raquicänapaj.
3. ¿Imaraycurtaj Diostaga cäsucunchi?
Job libruta leirga ricanchimi imatataj Satanás lutanpa parlargan. Y manami Joblapächu parlargan, sinoga lapan Jehovata sirvejcunapäpis. Leipäcuy Job 1:1 y 1:6-2:10 y caycunapita parlapacäriy:
Job imaraycur Diosta cäsucushganpita, ¿imatataj Diablo nergan? (Ricarcäriy Job 1:9-11).
¿Imatataj lapan runacunapita y gampitapis Satanás lutanta parlan? (Ricarcäriy Job 2:4).
Leipäcuy Job 23:11, 12 y caypita parlapacäriy:
¿Imanirtaj ninchi Jobga Jehovata rasunpa cuyashganta?
Jobga rasunpami Diosta cuyargan.
Dioslapaj shongunchi captinmi rasunpaga payta cuyanchi.
4. Alicunata rurar Jehovata cushichiy
Leipäcuy Proverbios 27:11 y caypita parlapacäriy:
¿Imanoraj Jehová ricacun payta cäsucuptiqui y alicunalata ruranayquipaj calpachacuptiqui? ¿Imanir?
5. Gampis Jehovalapaj cawaj runa canquimanmi
Diosninchita cuyashpanchimi waquincunata paypita yachachinchi. Ima mana alicunapis pasanmanmi, pero manami raquichimanchichu Taytalanchipita. VIDEUTA ricapäcuy y caycunapita parlapacäriy:
¿Jehovapita waquincunata parlapänayquipaj sasachu gampaj?
Videucho ricashganchino, ¿imanotaj Grayson ali valurcharcurgan?
Jehovataga imaypis jaguishunchu pay cuyashganta cuyar, y pay chiquishganta chiquirmi. Leipäcuy Salmo 97:10 y caycunapita parlapacäriy:
Lapan yachacushgayquicunaman yarparcur, ¿mä wilacaramuy imacunatataj Jehová cuyan? ¿Jina imacunatataj pay chiquin?
¿Imata rurartaj gampis alicunalata cuyanquiman, y mana alicunata chiquinquiman?
6. Jehovata cäsucushganchega quiquinchipämi canga
Jehovata cäsucuptinchirämi ali cawacunchi. Leipäcuy Isaías 48:17, 18 y caycunapita parlapacäriy:
¿Jehová musyanchuraj ali cawacunapaj ima pishishganta? ¿Imanirtaj chayno yarpanqui?
¿Bibliapita y Jehovapita yachacuycashgayquega imanotaj yanapaycäshunqui?
WAQUINCUNA NIPÄCUN: “Diosga imanangataj munashgäno cawacuptëpis”.
Chayno nejcunata, ¿Bibliapita maygan textutaraj leipanquiman ali tantiachinayquipaj?
ICHIC YACHACUY
Rasunpaga Jehovata cuyanqui cäsucoj captiquirämi, y imacunapa pasarpis paypita mana raquicarmi.
Yarpänapaj
¿Imatataj Jobpita yachacunqui?
¿Imata rurartaj Jehovata cuyashgayqui ricacämunga?
¿Imataj yanapäshunqui Jehovapita mana raquicänayquipaj?
MASLATA YACHACUNAYQUIPAJ
Yachacuy Jehovalata sirvir imano caycänayquipaj.
Yachacuy maslata, Diablo unaycho lutanta parlashganpita.
“Yäracuycarlami caycargan Job” (La Biblia y su mensaje, yachacunapaj caj 6)
Ricäriy wamracunapis imanotaj Jehovata cuyan.
¿Imanotaj jovincuna ali valurcharcur Dioslata sirvipäcunman?