49 CAJ YACHACUY
¿Imanotaj familiacuna ali cawacärinman? (juc caj)
Chaylaraj casaracushga cajcunaga munapäcun galaycunancho cuyanacärishganno imaypis cuyanacärinanpaj. Achca watapana casado caycaj cristianucunaga puedipäcushgami cuyanacur ali goyäcuyta; Bibliapa consejuncunami yanapäcushga.
1. ¿Ima consejucunataj Bibliacho caycan runa cajpaj?
Jehovaga runa cajtami autoridäta goshga familianta pushananpaj (leiriy Efesios 5:23). Chaymi olgu cajga familian ali cananraycur imaycata ruran. Bibliami cayno wilacun: “Warmiyog runacuna, warmiquita cuyapäcuy” (Efesios 5:25, Ambo-Pasco Biblia). Chauraga juc ali runaga may chaycho caycarpis warmintami cuyapaylapa tratanman. Imata rantipacurpis warminmanmi yarpachacunman, laquishga caycaptinpis shoganman (1 Timoteo 5:8). Tiemputapis camacächinman Bibliapita yachacärinanpaj (Mateo 4:4). Ishcancuna Diosta mañacärinman. Cuyacoj runa captenga y warminta cuidaptenga cushishgalami Tayta Jehová caycanga (leiriy 1 Pedro 3:7).
2. ¿Ima consejucunataj Bibliacho caycan warmi cajpaj?
Diospa Palabranga “warmipis runanta rispitanman” ninmi (Efesios 5:33). Y runanta respetananpäga alichi canman ‘runaläga ali shongumi, micuyninchi cananpaj alapa arun’ nir yarpachacuptenga. Imaraj canman runanta cutin cutin niptin ‘noga munashgäno imatapis rurashun’ nir; manachi runanta respetaycanmanchu. Respetosa warmiga cuyapaylapami runanpita parlan waquincunapa naupanchopis, runan mana cristiano captinpis.
3. ¿Imata rurar-raj casaducuna juc shongula cawapäcunman?
Casaducunapaj parlar Biblia cayno nin: “Ishcaj carpis juclaylanömi canga” (Mateo 19:5). Chauraga paycunaga calpachacärinmanmi imacunalapis casado vidancho mana raquichinanpaj. Chaymi cuyapänacur cushi cushila parlapacärinman ima problemancunapitapis. Caway vidanchoga imapis raquichinmanchu Jehovapita. Jinamanpis ishcancunami cuidacärinman, pajta juc warmita o juc runata ricapar galaycärinman.
SHUMAJ YACHACURCUNAPAJ
Yachacushun Bibliapa maygan mandatuncunataj casado vidacho yanapacunman.
4. Runacuna, warmiquita cuyapay
Biblia nin “runacunapis quiquinpa cuerpunta cuydacushanno warminta cuyanman” (Efesios 5:28, 29). ¿Imanotaj tantiashwan cayta? VIDEUTA ricapäcuy y caypita parlapacäriy:
¿Imacunata rurartaj runa cajga warminta cuyanman y cuidanman?
Leipäcuy Colosenses 3:12 y caypita parlapacäriy:
¿Imanotaj runa cajga Biblia nishgannola juc ali maja canman?
5. Warmicuna, runayquita cuyapar respetay
Bibliami nin warmicuna runanta respetananpaj, cristiano captin o mana captinpis. Leipäcuy 1 Pedro 3:1, 2 y caypita parlapacäriy:
Runayqui manaraj Jehovata sirviptenga, maynachi munanqui paypis Testigo cananta; chaypäga ¿Bibliapita cutin cutin parlaparchuraj cacunquiman o ali respetosa warmi canquiman? ¿Mayganraj ali canman?
Warminwan juc runa shumaj parlapacäriptinrämi imapis ali camacan. Öraga warmi caj runan yarpashganno capaz yarpangachu, chayno captenga ali shimilapa runanta wilapanga ima yarpashganta. Jehovami olgu cajta autoridäta goshga familianta pushananpaj. Alimi canga runanta ganas ganasla yanapaptenga. Respetosa warmi captenga wasincho caycajcunapis cushi cushilami cawacärenga. Leipäcuy 1 Pedro 3:3-5 y caypita parlapacäriy:
¿Imanoraj Jehová ricacun warmi cajcuna runanta respetapäcuptin?
6. Casado cajcunaga ima problematapis alchapäcunmanmi
Casado vidachoga ima problemalapis cangapämi. Chaymi ishcancunaraj calpachacärinan ali cawapäcunanpaj. VIDEUTA ricapäcuy y caypita parlapacäriy:
¿Imataj cay casaducunata raquicaycächergan?
¿Imatataj rurapäcurgan ali goyäcärinanpaj?
Leipäcuy 1 Corintios 10:24 y Colosenses 3:13. Nircur caypita parlapacäriy:
¿Imanoraj casado vidanchi canga Biblia nishganta cäsucurga?
Jucninchi jucninchi respetanacunapaj y cuyanacunapämi Biblia parlamun. Leipäcuy Romanos 12:10 y caypita parlapacäriy:
¿Majayojcunaga ninmanchuraj ‘warmïraj’ o ‘runäraj respetamächun’ nir? ¿Imanirtaj chayta ninqui?
WAQUINCUNA NIPÄCUN: “Unaymi masga cuyanacärishcanchi”.
¿Imataraj ninquiman Biblia imano yanapänanpaj?
ICHIC YACHACUY
Majachacashga cajcunaga ali goyäcunman cuyanacäriptin, respetanacäriptin y Diospa Palabranta cäsucäriptin.
Yarpänapaj
¿Imataraj runa caj ruranman majanwan ali goyäcunapaj?
¿Imataraj warmi caj ruranman majanwan ali goyäcunapaj?
Gampis majayoj carga, ¿Bibliapa maygan mandatuncunaraj yanapäshunquiman casado vidayquicho?
MASLATA YACHACUNAYQUIPAJ
Caycho leishgayqui yanapäshunqui familiayquiwan ali cawapäcunayquipaj.
Musicayoj video caycan ricanayquipaj, imanotaj Bibliapa consejuncuna yanapan casaducunata.
Leiy imanotaj juc warmi runanta respetanman.
Juc matrimonio problemacunapa pasar raquicashga caycaptinpis, ¿imataj yanapargan problemancunata alchananpaj?
Jehovami yanapäcamargan casado vidanchita alchananchipaj (5:14)