Ima pasashgan

Pï may runacunawan cuyapäcoj cashganchipita ima cashgancuna

Nueva Zelanda naciunpita juc cristiana Preocupémonos unos por otros nishgan videutash ricargan. Chaycho wiyargan imano Jehová runacunata cuyapar yanapashganta (Is. 63:7-9). Chaura paypis decirdirgan pilatapis ashinanpaj imanolapapis yanapänanpaj. Chay junajshi yargurgan rantipacoj y ricargan callicho täcoj warmita, y nerganshi imalatapis rantipänanpaj micunanpaj. Chayno niptin chay warmiga cushicurgan. Nircur chay cristianaga micuyta rantiparcur ¿Nacaycarlachuraj imaypis cawacushun? nishgan trataduwan Diospita parlapargan.

Chay warmiga wagarshi galaycurgan. Paypis unaycho Bibliapita yachacushganta wilapargan, pero achca watacunapana congregaciunpita raquicashga caycargan. Pero Jehovata ruwacuycarganshi yanapänanpaj congregaciunman yapay cutinanpaj. Chaura chay cristiana juc Bibliatash gorgan y más yachacunanpäshi quedargan.a

Noganchipis Jehovano waquincunata cuyapar imanolapapis yanaparcushwanmi, capaz canman familianchicuna o congregaciunpita hermanunchicunapis. Jina calpachacushwanpis tucuynopa runacunata yachachicunapaj.