Bibliaga espejuno caycan ali yachachimänanchipaj

Discípulo Santiago nergan Bibliaga espejuno caycashganta y yanapämanchi imano runa cashganchita musyanapaj (Sant. 1:22-25). Bibliaga espejuno caycaptin, ¿imanopataj utilizashwan?

Shumaj yarpachacurcur Bibliata leinanchi. Espejucho rasla ricacuptinchi manami cuentata gocushunchu cäranchicho ima ganra caycaptinpis limpiacunanchipaj. Chaynolami apurado Bibliata leiptinchi manami cuentata gocushunchu ima cambiucunata rurananchipaj. Chaymi Bibliata shumaj yarpachacurcur leinanchi.

Waquincuna cambiananpaj trucanga quiquinchi imalachopis mejoranapaj yarpänanchi. Espejucho ricacuptinchi quiquinchitami ricacuycanchi manami waquincunata. Chaynolami Bibliata leirga manami yarpashwanchu waquincuna imalachopis mejorananpaj cajta. Chayno yarparga quiquinchi imalachopis manami mejorashunchu.

Puedishgalanchita rurananchi. Espejucho cäranchipita mana gustamashganchicunalata ricacuptinchi laquichimashwanmi. Chaynolami Bibliata leirga imayca cambiucunatapis rurananchipaj captenga ichiclapa ichiclapa rurananchi. Jehovaga manami mañamanchichu lapan cambiucunataraj rasla rurananchipaj (Sal. 103:14).