¡Chatkikotoq che jun kʼaslemal che kʼot ukʼisik cho ruwäch Ulew!

Ri jun wuj riʼ tzʼibʼan rech katutoʼ che uretaʼmaxik jachin xbʼanow ri uwäch Ulew xuqujeʼ ronojel ri jastaq e kʼo waral. Kawetamaj che ri Ajawaxel, che xbʼanow ri uwäch Ulew, kʼo ubʼiʼ. Xuqujeʼ waral kqabʼij chawe suche ri Ajawaxel xubʼan ri achi xuqujeʼ su kabʼano rech katkikotik che jun akʼaslemal che kʼot ukʼisik cho ruwäch Ulew.

Are waʼ ri wachbʼäl katutoʼ che uretaʼmaxik ri jastaq riʼ. Rech kanimarisaj awetaʼmabʼäl, rajawaxik kasikʼij ri jupaj täq tzij rech ri Loqʼalaj Pixabʼ e kʼo pa utzal (pa uxuküt) täq wachbʼäl. Xaq jewaʼ kʼut, katkunik kasikʼij uwäch pa ri Loqʼalaj Pixabʼ, nikʼaj täq utzujum ri Ajawaxel che kuyaʼla na chaqe xuqujeʼ su täq kubʼij ri Ajawaxel che rajawaxik kabʼano rech kawil na ubʼantajik wariʼ riʼ.

Weneʼ kawaj, katkunik kakoj wajun wuj riʼ rech keʼatoʼ nikʼaj chik winaq. Xuqujeʼ katkunik kakojo rech kakʼut chike awalkʼwal chirij ri Ajawaxel. We atkʼo pa jun tinamit ni e kʼo sibʼalaj kʼi täq winaq che ketaʼm täj kkesikʼij uwäch we wuj, katkunik kakoj ri täq wachbʼäl rech kakʼut chike we winaq, che uretaʼmaxik su täq uchomanik ri Ajawaxel pa kiwiʼ xuqujeʼ e areʼ kekunik kketoʼ nikʼaj chik täq winaq.

Qastzij bʼaʼ kqaj, che ri utijosaxik awibʼ chirij we wuj riʼ, kutor ri bʼe chawäch, rech kakʼam nim täq tewchibʼäl xuqujeʼ kakʼut che kiwäch nikʼaj chik, su kabʼano rech kʼo jun akʼaslemal che kʼot ukʼisik waral cho ruwäch ulew.