¿Jachin laʼ ri Jesús?

Jehová xutaq lo ri Jesús cho ruwach Ulew (1 Juan 4:9)

We kqaj kqakikotemaj ri Jehová, are rajawaxik che kqanimaj ri jun chik che sibʼalaj nim uchoqʼabʼ: are jun uxlabʼal che Jehová xubʼan nabʼe chuwach ri Adán.

Chiʼ qʼaxinaq chi ri qʼij, Jehová xubʼano che xalax pa Belén junam che jun alaj neʼ. Ri unan are jun qʼapoj ali ubʼiʼ María. Jesús xkoj che ri ubʼiʼ (Juan 6:38).

Chiʼ ri Jesús are winaq, qas xukʼut ri täq ubʼantajik ri Utat. Are sibʼalaj utz xuqujeʼ sibʼalaj kloqʼoqʼenik. Kʼäx ta kbʼan che uchʼabʼexik. Xuqujeʼ chiʼ xukʼut ri qastzij chirij ri Jehová xuxibʼij ta ribʼ.

Jesús xubʼan utz täq jastaq, tekʼuriʼ ri winaq xkil rukʼ itzelal (1 Pedro 2:21-24)

Ri täq ajkʼamal bʼe rech ri täq kojonik xkaj ta ri Jesús rumal che xubʼij che e areʼ kkikʼut ta ri qastzij xuqujeʼ che sibʼalaj e itzel.

Jesús xeʼukunaj ri e yawabʼ xuqujeʼ xeʼuwalajisaj ri kaminaqibʼ.

Ri e ajkʼamal bʼe xkibʼij chike ri täq romanos che kkichʼayo xuqujeʼ kkikamisaj ri Jesús.