¿Jas riʼ ri kraj ri Ajawaxel?

¡Ri Ajawaxel kraj che kqariq jun kʼaslemal che kʼot ukʼisik rukʼ jamaril xuqujeʼ kikotemal pa jun kotzʼiʼjalaj uwach Ulew!

Weneʼ kachomaj, «¿jas kbʼan che ubʼanik wariʼ?» Ri Loqʼalaj Pixabʼ kubʼij che ri Rajawbʼal ri Ajawaxel kkunik kubʼano, xuqujeʼ ri urayinik ri Ajawaxel are che konojel kketaʼmaj chirij ri Rajawbʼal xuqujeʼ chirij ri kraj chaqe (Salmo 37:11, 29; Isaías 9:7).

Ri Ajawaxel kraj che kqariq ri utzilal.

Junam rukʼ jun utzalaj tat che kraj ri utz chike ri ralkʼwal, ri Qatat che kʼo pa ri kaj kraj che kqariq ri kikotemal che kʼot ukʼisik (Isaías 48:17, 18). Ri areʼ ubʼim che «ri kubʼan ri urayibʼal ri Dios, are riʼ kakʼasiʼ amaqʼel chbʼe qʼij saq» (1 Juan 2:17).

Ri Ajawaxel kraj che kqabʼan ri kubʼij.

Ri Loqʼalaj Pixabʼ kubʼij che ri Ajbʼanol qe «areʼ kekʼutuw täq ri ubʼe chqawach» rech «kujkuʼin kʼu che bʼinem pa ri alaj täq ubʼe» (Isaías 2:2, 3). Areʼ umulim jun tinamit che «ri ubʼiʼ ri areʼ» rech kyaʼ ubʼixik ri urayinik pa ronojel ri uwach Ulew (Hechos 15:14, TW).

Ri Ajawaxel kraj che qonojel kqaya uqʼij.

Ri qastzij uqʼijilanik ri Jehová kubʼano che kʼo loqʼoqʼenik chkixoʼl ri winaq, are ta kujach kiwach ri winaq (Juan 13:35). ¿E jachin tijan kkikʼut chkiwach ri achijabʼ xuqujeʼ ri ixoqibʼ rech jalajoj täq lugar rech kubʼan junam ri kichomanik chirij upatanexik ri Ajawaxel? Kqabʼij chawe che kawetaʼmaj chiʼ kasikʼij uwach wajun wuj riʼ.

CHAWETAʼMAJ CHI NIKʼAJ

Chawetaʼmaj chirij ri Loqʼalaj Pixabʼ qukʼ öj. ¿La tijan chi kawetaʼmaj chirij ri Loqʼalaj Pixabʼ kukʼ ri testigos rech Jehová? We tijan täj, ¿la kawaj kawetaʼmaj? Kʼot katojo. Kawil na che ubʼanik are utz rumal rech katqebʼ rukʼ ri Ajawaxel.

Chakʼamaʼ ri jalajoj täq wuj che kʼot rajil. Katkunik katopan pa jun Ja rech Ajawbʼal o kattzijon rukʼ jun testigo rech Jehová rech katkunik kataʼ jun wuj che kʼo pa ri achʼabʼal rech katutoʼ che retaʼmaxik chirij ri Loqʼalaj Pixabʼ.

Chawetaʼmaj chqij pa Internet. Chawilaʼ ri qas kikʼolbʼal ri testigos rech Jehová pa Internet. Chilaʼ katkunik kasikʼij uwach ri Loqʼalaj Pixabʼ xuqujeʼ katkunik kawilo o kaqʼaxej chuwach jun wuj chik ri jalajoj täq uwach wuj che kʼo pa más che 750 chʼabʼal.