¿La kabʼan ri kraj ri Jehová?

Kqamaltyoxij chawe rumal che xasikʼij uwach wajun wuj riʼ che katutoʼ che kachʼobʼ kiwach ri testigos rech Jehová, xawetaʼmaj chirij ri kqabʼano xuqujeʼ chirij ri chak kqabʼano pa jupuq. Kqaj che xatutoʼ che rilik che öj tijan kqabʼan kimik ri kraj ri Jehová. Kqabʼij chawe che kaya ta kan retaʼmaxik chirij ri Ajawaxel, chabʼij chike ri afamilia, chike ri e awachiʼl ri awetaʼmam xuqujeʼ amaqʼel chatpe qukʼ pa ri riqbʼal ibʼ (Hebreos 10:23-25).

Wariʼ kubʼano che kakoj achoqʼabʼ che ubʼanik ronojel rech kakʼut ri loqʼoqʼenik kanaʼ che ri Jehová (1 Juan 4:8-10, 19). Tekʼuriʼ ¿jas kabʼan che ukʼutik pa ri akʼaslemal che kaloqʼoqʼej? ¿Jasche utz kanimaj ri pixabʼ uyaʼom chirij ri kʼaslemal? Xuqujeʼ ¿jas katutoʼ rech kawaj kabʼan ri kraj ri Ajawaxel qukʼ öj? Ri qachalal che tijan katutoʼ che retaʼmaxik chirij ri Loqʼalaj Pixabʼ, rukʼ kikotemal kkunik katutoʼ che rilik chirij wariʼ rech at xuqujeʼ ri afamilia kixkunik kibʼano: «Chichajij iwibʼ pa ri loqʼoqʼebʼal ukʼuʼx ri Dios» xuqujeʼ rech kiriq «junalik kʼaslemal ri ubʼim chqe» (Judas 21).

Kqabʼij chawe rukʼ ronojel qanimaʼ che kaya ta kan retaʼmaxik chirij ri qastzij. Chasikʼij uwach ri jun chik wuj rech katutoʼ: «Chichajij iwibʼ pa ri loqʼoqʼebʼal ukʼuʼx ri Dios».