Nabʼe taq tzij

RI KTOBʼAN WI WAJUN WUJ

Jehová Dios kubʼij che ri utinamit «chajachaʼ awibʼ che kitzukuxik» ri noʼj xuqujeʼ ri etaʼmanik jeʼ taneʼ che utzukuxik jun «qʼinomal che kʼutalik» (Prov. 2:​1-5). Wariʼ kukʼut chqawach che rajawaxik che kqakoj qachuqʼabʼ che retaʼmaxik chrij ri jastaq che kqariq pa ri Utzij ri Dios che kqachʼobʼ taj xuqujeʼ chrij jujun kʼax che kqariq pa ri kʼaslemal. Wajun wuj riʼ ubʼiʼ: Tobʼanik chike ri testigos rech Jehová rech kketaʼmaj más bʼanom che katutoʼ rech katzukuj ri kawaj kawetaʼmaj.

Pa wajun wuj riʼ kʼo ta ronojel ri kʼutunem chupam che e kʼo pa kijujunal ri e qawuj. Tekʼuriʼ, chuxeʼ ri e kʼutunem kariq tobʼanik che qas katutoʼ che esam pa ri e wuj che e kʼo pa quiché, che elenaq pa ri kʼisbʼal taq junabʼ.

RI KBʼAN CHE UTZUKUXIK

Chawilaʼ ri jun chi uxaq che kubʼij Ri kʼo chupam tekʼuriʼ chachaʼ ri kʼutunem che at kachomaj che kubʼij ri katzukuj. Weneʼ rajawaxik che xa ta jun kʼutunem katzukuj. Ri subtemas che kʼo chuxeʼ ri e kʼutunem katutoʼ rech kʼax ta kariq che uriqik ri katzukuj.

Tekʼuriʼ, chatzukuj ri uxaq che kbʼix chawe rech kariq ri kʼutunem xuqujeʼ ri subtema che kawaj kawilo. Chuxeʼ katkunik kariq ri kibʼiʼ e kʼutunem che kawaj kawilo. Weneʼ pa ri wuj che kʼo pa awachoch, pa Internet o pa ri kʼolbʼal wuj che kʼo pa ri ja rech Ajawbʼal chatzukuj ri kʼutunem che kbʼix chawe. Chnaʼtaj chawe che pa neʼ ri tzij che kʼo pa ri cholajil junam ta rukʼ ri kʼutunem che kukʼutu, are kʼu pa ri kʼutunem kʼo tzij che kjunamataj rukʼ ri xatzukuj.

We tajin katzukuj chrij ri jun versículo rech ri Biblia, chawilaʼ pa ri sección Ri kyaʼ ubʼixik chrij ri wuj rech ri Biblia. Xaq xiw ri versículo che kyaʼ ubʼixik chrij kriq chupam ri cholajil.

Chnaʼtaj chawe, tajin katzukuj «qʼinomal che kʼutalik», rajawaxik kakoj atiempo xuqujeʼ achuqʼabʼ. Rumal laʼ chanim taj kkʼistaj akʼuʼx che utzukuxik ri kawaj kawetaʼmaj. We amaqʼel kakoj ri wuj Tobʼanik chike ri Testigos kubʼan chawe che kʼax ta kabʼan che uriqik ri katzukuj. Jehová kutewchij ri achuqʼabʼ xuqujeʼ katutoʼ rech kariq ri anoʼj xuqujeʼ awetaʼmabʼal (Prov. 2:6; 4:5).

TOBʼANIK:

❐ = jalajoj uwach taq kʼutunem

sub. = subtítulo o sección

párr. o párrs. = párrafo(s)

pág. o págs. = página o páginas

12/2004 = ikʼ/junabʼ

1/2/2010 = qʼij/ikʼ/junabʼ