Chqayaʼ qachuqʼabʼ chbʼil qibʼ rech kqabʼan utz taq jastaq

Pa Hebreos 10:24 kbʼix chqe che: «Qas chqililaʼ qibʼ, chqapixbʼelaʼ qibʼ che ri loqʼoqʼebʼal qakʼuʼx xuqujeʼ ri utzalaj taq chak». Rukʼ ri kqabʼano xuqujeʼ rukʼ ri kqabʼij chrij ri qakojonik kojkunik kqabʼano che ri nikʼaj chik qachalal kkibʼan ke. Rumal laʼ, utz che kqatzijoj chke ri qachalal pa ri congregación ri utz taq jastaq kqariq pa ri qachak che ri Dios. We upatanexik ri Jehová kuya kikotemal chqe, chqabʼanaʼ che nikʼaj chik kkilo. Rumal laʼ keqajunamisaj ta ri qachalal qukʼ oj o kukʼ nikʼaj chik (Gál. 6:4). Chqakojoʼ qachuqʼabʼ che ukʼutik ri utz taq abʼantajik rech nikʼaj chik keloqʼoqʼenik xuqujeʼ kkibʼan utz taq chak, are ta kqabʼan chke che xa rumal che kekʼixik kkibʼano (chawilaʼ ri wuj Benefíciese, pág. 158, párr. 4). We kqapixbʼej qibʼ che ri loqʼoqʼebʼal qakʼuʼx, utz taq chak, junam rukʼ kitoʼik nikʼaj chik pa ri kikʼaslemal o rukʼ utzijoxik ri utzij ri Dios, rajawaxik che kel pa qanimaʼ ri ubʼanik (2 Cor. 1:24).